Иннополис Университеты һәм РТУ МИРЭА яңа белем бирү программаларын эшләүдә хезмәттәшлек итәчәк

Мәгариф, фән һәм технологияләр өлкәсендә хезмәттәшлек итү турындагы килешүгә Иннополис Университеты директоры Искәндәр Бариев һәм МИРЭА – Россия Технология университеты ректоры Станислав Кудж Татарстан Республикасы Премьер-министры урынбасары Роман Шәйхетдинов катнашында кул куйдылар.

Ике югары уку йортының планнарында - челтәрле белем бирү программаларын, өстәмә һөнәри белем бирү һәм «метапрофессияләр» программаларын эшләү, шулай ук «Алдынгы инженер мәктәпләре» һәм «Профессионалитет» федераль проектларында бергәләп катнашу.

Яклар шулай ук халыкара базарларда Россия технологияләрен һәм мәгариф программаларын алга җибәрү, тәҗрибә һәм технологияләр белән уртак конференцияләр, семинарлар һәм күргәзмәләр оештыру турында фикер алыштылар.