Татарстан Республикасы Авыл хуҗалыгы һәм азык-төлек министрлыгы башлыгы Марат Җәббаров: Татарстан 2024 елда авыл хуҗалыгы продукциясен җитештерү күләме буенча алдынгы төбәкләр өчлегенә керде

Татарстан Республикасы 2024 елда авыл хуҗалыгы продукциясен җитештерү күләме буенча алдынгы төбәкләр өчлегенә керде.

Бу хакта бүген Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров Татарстан Республикасы Авыл хуҗалыгы һәм азык-төлек министрлыгыныңтулы вәкиллекле йомгаклау утырышында хәбәр итте.

Исегезгә төшерәбез, утырыш «Казан Экспо» ХКҮ территориясендә уза һәм ведомствоның 2024 елгы эшчәнлегенә йомгак ясауга һәм агымдагы елга бурычларга багышланды.

Утырышта Татарстан Рәисе Рөстәм Миңнеханов, Россия Федерациясе Авыл хуҗалыгы министры урынбасары Максим Боровой, Татарстан Республикасы Премьер-министры Алексей Песошин, «Росагролизинг» АҖ генераль директоры Павел Косов һәм башкалар катнаша.

Татарстан Республикасы Авыл хуҗалыгы һәм азык-төлек министрлыгы башлыгы хәбәр иткәнчә, авыл хуҗалыгы продукциясенең тулаем күләме 341 млрд сумнан артып китә, чагыштырма үсеш - 110,1%, азык-төлек сәнәгате күләме 340,4 млрд сум тәшкил итә, үсеш - 106%.

Аның сүзләренчә, быел республиканың позициясен ныгыту өчен тагын өч процент үсеш тәэмин итәргә кирәк.

"Бүген, илнең азык-төлек иминлегенә аерым игътибар бирелгәндә, Татарстан, үзенең агросәнәгать комплексына өстенлекле ярдәм күрсәтүгә карамастан, җитештерүне арттыру һәм Россиянең азык-төлек базарына керткән өлешен арттыру өчен яхшы нигезгә ия», - дип белдерде Марат Җәббаров.

Ул төгәлләштергәнчә, азык-төлек сәнәгатен дә исәпкә алып, 2024 елда Татарстанда 682 млрд сумлык АСК продукциясе җитештерелгән. "Бу безнең Татарстанның тулаем төбәк продуктына керткән өлешебезнең 7%ы чамасы. Ә узган өч елда тармак буенча 29 ка үстек", - дип йомгаклады ул.

Татарстанда узган ел 2,3 млн тоннага якын сөт җитештерелгән. Бу 2023 ел белән чагыштырганда 84,8 мең тоннага, ягъни 3,9%ка күбрәк, дип хәбәр итте Марат Җәббаров.

«2024 ел йомгаклары буенча терлекчелек продукциясе күләме 181 млрд сумнан артып китте», – дип сөйләде ул. Бу нәтиҗә буенча Татарстан Россия төбәкләре арасында, Белгород өлкәсеннән кала, икенче урынны алды, дип ассызыклады министр.

Аның сүзләренә караганда, узган ел шулай ук 508 мең тонна ит һәм 1,6 млрд данәдән артык йомырка җитештерелгән.

«Республика үзен терлекчелек продукциясе белән тулысынча тәэмин итә», - дип йомгаклады Җәббаров.

Узган ел йомгаклары буенча Татарстан авыл хуҗалыгы берәмлекләренең кереме беренче мәртәбә 200 млрд сумнан артып киткән. Бу 2023 ел белән чагыштырганда 20%ка күбрәк, дип хәбәр итте Марат Җәббаров Татарстан Республикасы Авыл хуҗалыгы һәм азык-төлек министрлыгы утырышында.

"Табышлы авыл хуҗалыгы предприятиеләренең чагыштырма күләме 6%ка арта. Тармакның рентабельлеге 10% дәрәҗәсендә көтелә. Әлбәттә, мондый керем, югары инфляцияне исәпкә алып, киңәйтелгән җитештерү өчен җитәрлек табыш китерми», – диде министр.

Марат Җәббаров сүзләренчә, инвестиция йөкләнеше тармакның финанс нәтиҗәләренә җитди йогынты ясый. "Республикада – Идел буе федераль округындагы барлык капитал салуларның 25%тан артыгы. Гомумән алганда, узган биш елда инвестицияләр суммасы 165 млрд сумнан артып китте", - дип ассызыклады ул.