Рөстәм Миңнеханов видеоконференция режимында АСИ Күзәтүчеләр советы утырышында катнашты

Бүген Россия Федерациясе Президенты Владимир Путин «Яңа проектларны алга сөрү буенча стратегик инициативалар агентлыгы» коммерциячел булмаган автоном оешмасының (АСИ) Күзәтчеләр советы утырышын уздыра.

Чара видеоконференция форматында Мәскәүдә уза.

Утырышта Татарстан Рәисе Рөстәм Миңнеханов катнашты.

Утырышның төп темасы - агентлыкны 2030 елга кадәр үстерү стратегиясе.

Владимир Путин ассызыклаганча, бу документ АСИның үсешнең илкүләм максатларга ирешүгә керткән өлешен һәм Россиядә һәм бөтен дөньяда барган кардиналь үзгәрешләрне тулысынча исәпкә алырга тиеш. "Агентлыкның аерым кыйммәтен сез һәрвакыт-ниятләрегездә, алга омтылышларыгызда, инициативаларыгызда – берничә адымга алдан барасыз, көтелмәгән, стандарт булмаган, вакыттан алда торган карарлар чыгарасыз, планлаштыру офыкларын киңәйтәсез, конструкциялисез, төбәкләрнең һәм торак пунктларның, икътисад һәм социаль өлкә тармакларының киләчәге образын тәкъдим итәсез. ... Үз проектларыгызны, уйларыгызны, иҗади командалар идеяләрен чынбарлыкка әверелдерәсез, төбәкләрдә нәтиҗәле тәҗрибә һәм практика ачарга һәм киңәйтергә, идарә командалары эшенең югары, алдынгы стандартларын гамәлгә кертергә ярдәм итәсез, эшкуарлар, студентлар белән бергә, коммерциячел булмаган сектор белән бергә шәһәрләребездә, авылларыбызда һәм бистәләребездә үзгәрешләргә ирешергә омтыласыз», - диде Владимир Путин.

АСИ Күзәтчеләр советы утырышы турында тулырак мәгълүмат - kremlin.ru сайтында