ТР Дәүләт Советы утырышы алдыннан Рөстәм Миңнеханов «Теләкләр чыршысы" гамәлендә катнашты

Бүген Татарстан Республикасы Рәисе Рөстәм Миңнеханов «Теләкләр чыршысы» бөтенроссия хәйрия гамәлендә катнашты.

Балаларның теләкләре язылган шарлары булган чыршы ТР Дәүләт Советы холлында урнаштырылган.

ТР Дәүләт Советы утырышы башланганчы Рөстәм Миңнеханов чыршыдан шарларның берсен алды.

Татарстан Рәисе Казаннан 12 яшьлек Дима хыялын тормышка ашырачак.

Малай «Рубин» футбол клубы футболчылары белән очрашу турында хыяллана икән.