Татарстан Рәисе Бакуда Гейдар Алиев каберенә чәчәкләр салды

Татарстан Рәисе Рөстәм Миңнеханов Бакуда гомуммилли лидер Гейдар Алиев каберенә чәчәк бәйләме һәм Зарифа Алиева каберенә чәчәкләр салды.

Мактаулы җирләү аллеясында Әзәрбәйҗанның күренекле мәдәният, фән эшлеклеләре, Советлар Союзы Геройлары, сәясәтчеләр каберләре бар. 

Шулай ук Рөстәм Миңнеханов шәһитләр аллеясындә булды. Анда «Кара гыйнвар» корбаннары һәм Карабах сугышында һәлак булган әзәрбәйҗанлылар җирләнгән. Шунда ук «Мәңгелек ут» мемориаль комплексы булдырылган. Республика Рәисе аңа чәчәкләр салды.