Татарстанда 3 млн кв. метрдан артык торак файдалануга тапшырылган - план 97%ка үтәлгән

Татарстанда 2024 елның 9 ноябренә файдалануга торак тапшыру планы 97%ка үтәлгән - 3 млн 57 мең кв.м. файдалануга тапшырылган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде.

Киңәшмәне республиканың барлык муниципаль районнары белән видеоконференцэлемтә режимында Татарстан Рәисе Рөстәм Миңнеханов уздырды.

Татарстан Республикасы Төзелеш министрлыгы башлыгы хәбәр иткәнчә, коммерциячел төзелеш линиясе буенча планлаштырылган күләмнең 51%ы тапшырылган: бу гомуми мәйданы 747 мең кв.м булган 126 күп фатирлы йорт. Социаль ипотека буенча еллык план 78%ка үтәлгән.

Быел төзелергә тиешле 56 йортның 29ы файдалануга тапшырылган. Аларның гомуми мәйданы - 126 мең кв. м. һәм шәхси торак төзелеше линиясе буенча 2 млн 183 мең кв. метр мәйданлы 16 175 йорт файдалануга тапшырылган.

Марат Айзатуллин җитештерүдә имгәнү очраклары һәм төзелеш мәйданчыкларында хезмәтне саклау буенча уздырыла торган чаралар турында мәгълүмат бирде. 2024 ел башыннан үзлегеннән җайга салынучы оешмалар вәкилләре тарафыннан 2 467 тикшерү уздырылган, аларның нәтиҗәләре буенча 838 тапкыр дисциплинар йогынты чаралары кулланылган. Дәүләт төзелеш күзәтчелеге инспекциясе ел башыннан административ җаваплылык турында 157 карар чыгарган. Гомумән алганда, быел ведомство белгечләре төзелеш мәйданчыкларында 1 326 тапкыр булганнар. Баш инвестиция-төзелеш идарәсе гыйнвар аеннан башлап 657 контроль-күзәтчелек чарасы уздырган.

Аерым категория гражданнарны торак белән тәэмин итүгә килгәндә, 4 программаның икесе эштә кала. Бу ятим балаларны торак белән тәэмин итү һәм 5 һәм аннан күбрәк баласы булган күп балалы гаиләләрне торак белән тәэмин итү. Бүгенге көндә ТР Җир һәм мөлкәт мөнәсәбәтләре министрлыгы бишенче дәүләт контракты кысаларында 100 бинага аукцион игълан иткән. Инде төзелгән контрактлардан 10 йорт эштә (3 йорт буенча эшләр тәмамланган; 3 муниципалитетта 7 йорт төзелеш стадиясендә, аларда ятим балалар өчен 244 торак урын бар). Күп балалы гаиләләр өчен гомуми мәйданы 2 552 кв.м булган 28 сертификаттан 27се реализацияләнгән. Сертификат алган тагын бер гаилә өчен хәзерге вакытта Дәүләт торак фонды торак сайлап ала. Аннары министр социаль объектлар һәм инженерлык инфраструктурасы программалары турында сөйләде. Торак төзелешенә ярдәм итүгә юнәлдерелгән чаралар буенча Биектау районында ике объект эшләнә - «Торак» федераль программасы буенча (үтәлеш 97% тәшкил итә).

Бу атнада подрядчылар Питрәч районында ике объектны төгәлләгәннәр. Мәгариф учреждениеләреннән Кукмара районында башлангыч сыйныфлар бинасы буенча төзелеш-монтаж эшләре дәвам итә, анда үтәлеш 76% тәшкил итә, һәм 4 балалар бакчасы буенча (үтәлеш 89%). Узган ике атнада Казанның Ягодинская урамында балалар бакчасы төзелеп беткән. «Сәламәтлек саклау» тармагы буенча 4 федераль һәм республика программасы кысаларында төзелә торган 53 объектның 4 медицина учреждениесе буенча эшләр дәвам итә, аларның үтәлеше 67% тәшкил итә. Киләсе блок - спорт тармагы. Биредә 21 объекттан 2 футбол манежы эшли (93% үтәлеш). Бу атнада Кама Тамагы муниципаль районында объект тапшырылган. Апас шәһәр тибындагы бистәсендә футбол кырының административ бинасы төзелә (үтәлеш 85% тәшкил итә).

Узган ике атнада «Авыл территорияләрен комплекслы үстерү» дәүләт программасы буенча Кукмара шәһәрендә чаңгы-роллер трассасы төзелеп беткән. Яшьләр сәясәте буенча 7 объекттан 4 балаларны савыктыру лагерен ремонтлау дәвам итә (программаның гомуми үтәлеше 75% тәшкил итә). Моннан тыш, 80%ка яшьләр үзәге буенча эшләр башкарылган. Балык Бистәсе шәһәр тибындагы бистәсендә объект «Авыл территорияләренең хәзерге йөзе» федераль программасы буенча төзелә.

«Мәдәният» тармагының өч объекты буенча үтәлеш 99% тәшкил итә.

«Экология» илкүләм проекты буенча - биологик чистарту корылмаларын реконструкцияләү буенча - 99%ка, ләм кырларын рекультивацияләү буенча 77%ка эшләр башкарылган. «Торак һәм шәһәр мохите» илкүләм проекты кысаларында 64 җәмәгать киңлеген төзекләндерү буенча бүгенге көнгә эшләрнең гомуми үтәлеше 98% тәшкил итә. 56 объектның бишесен 4 муниципалитетта узган 2 атнада төгәлләгәннәр.

Биш республика һәм 2 федераль программа кысаларында республиканың инженерлык инфраструктурасын модернизацияләү дәвам итә. Халыкны эчәр сулар белән тәэмин итү программасы 96%ка үтәлгән. Узган ике атнада 6 муниципалитетта 6 объектта эшләр төгәлләнгән. Су агызу системалары челтәрләрен һәм корылмаларын төзү, реконструкцияләү программасы гомуми күләмнең 88%ы үтәлгән.

Бу атнада подрядчылар 5 муниципаль районда 5 объектны тапшырганнар. Инженерлык инфраструктурасы объектлары төзелә торган «Авыл территорияләренең хәзерге йөзе» федераль программасы 99%ка үтәлгән. Узган ике атнада Кукмара һәм Саба районнарында ике объектта эшләр төгәлләнгән. Коммуналь инфраструктураны модернизацияләү федераль программасы буенча Казанда бер объект эшләнә, аның үтәлеше 60% тәшкил итә. Узган ике атнада Казанның 5 объектында эшләр төгәлләнгән.

Марат Айзатуллин шулай ук җылы бирү чорына әзерлек актлары һәм паспортлары алу эше турында сөйләде. Аларны җылылык белән тәэмин итүче һәм җылылык челтәрләре оешмалары өчен 1 ноябрьгә кадәр алу вакыты билгеләнгән. Аларны рәсмиләштергәннән соң муниципаль берәмлекләр әзерлек паспортларын 15 ноябрьгә кадәр рәсмиләштерергә тиеш.

Ростехнадзор мәгълүматы буенча, бүгенгә 2 муниципаль берәмлектәге 3 оешма әзерлек актларын алмаган әле. 38 муниципаль берәмлек әзерлек паспорты алган.