ТР Төзелеш министрлыгы: Татарстанда 2 млн 921 мең квадрат метр торак файдалануга тапшырылган - планнан 93%

Республикада торак тапшыру буенча гомуми план 93%ка үтәлгән - 2 млн 921 мең квадрат метр файдалануга тапшырылган.

Бу хакта ТР төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин ТР Хөкүмәте Йортында узган республика киңәшмәсендә хәбәр итте.

Киңәшмәне барлык муниципаль оешмалар белән видеоконференцэлемтә режимында Татарстан Рәисе Рөстәм Миңнеханов уздырды. Анда Татарстан Дәүләт Советы Рәисе Фәрит Мөхәммәтшин һәм республика Премьер-министры Алексей Песошин да катнашты.

Коммерциячел төзелеш линиясе буенча планлаштырылган күләмнең 50%ка якыны тапшырылган. Бу - гомуми мәйданы 734 мең кв. м булган 118 күп фатирлы йорт. Социаль ипотека өлешендә еллык план 78%ка үтәлгән. Быел төзелергә тиешле 56 йортның 29ы тапшырылган. Аларның гомуми мәйданы - 126 мең кв.м. Бу атнада Аксубай штп 12 кв. м. торак йорт файдалануга тапшырылган. Алучылар арасында: ятим балалар, яшь гаиләләр, программа буенча исәптә торучы гражданнарның бюджет категорияләре, шулай ук 3 фатир аренда торагы буенча бүленәчәк.

Индивидуаль торак төзелеше буенча бүгенге көнгә 2 млн 60 мең кв. метр мәйданлы 15 мең 262 йорт файдалануга тапшырылган.

Аерым категориядәге гражданнарны торак белән тәэмин итү буенча 4 программаның икесе эшләнүен дәвам итә. Ятим балалар өчен 621 торак бинаның бүген 23 муниципаль берәмлектә 521 торак бинага 4 дәүләт контракты төзелгән, 100 торак урынына республика Җир һәм мөлкәт мөнәсәбәтләре министрлыгы тарафыннан бишенче дәүләт контракты кысаларында аукцион игълан ителгән. «5 һәм аннан да күбрәк баласы булган күп балалы гаиләләр» категориясе буенча бүгенге көнгә 28 сертификатның 25е 2 300 кв. м мәйданда сатылган. 

Торак төзелешенә ярдәм итүгә юнәлдерелгән чаралар буенча «Торак» федераль программасы буенча 4 объект эшләнә - алар буенча үтәлеш 87% тәшкил итә. Мәгариф учреждениеләреннән бүгенге көндә Кукмара районында башлангыч сыйныфлар бинасы буенча төзелеш-монтаж эшләре дәвам итә, анда үтәлеш 76% тәшкил итә, шулай ук 5 балалар бакчасы буенча (гомуми күләмнең 88% ы башкарылган).

«Сәламәтлек саклау» тармагы буенча илкүләм проект, дәүләт программасы һәм ике республика программасы кысаларында төзелә торган 53 объектның 4 медицина учреждениесе буенча эшләр дәвам итә, аларның үтәлеше 64%. Узган ике атна эчендә Казандагы «Салават Күпере» торак комплексында поликлиника төзелеше төгәлләнгән. Киләсе блок-спорт объектлары. Биредә 3 футбол манежы (башкару 89%), Кукмара шәһәрендәге чаңгы-роллер трассасы һәм Апас шәһәр тибындагы бистәсендә футбол кырының гамәлдәзге административ бинасы эшләнә, алар буенча гомуми үтәлеш 88% Яшьләр сәясәте линиясе буенча 6 балаларны савыктыру лагереннан дүртесе эштә кала. Программаның гомуми үтәлеше 69% тәшкил итә. «Авыл территорияләренең хәзерге йөзе» федераль программасы буенча төзелә торган Балык Бистәсе штп яшьләр үзәге буенча эшләр 78%ка башкарылган.

«Мәдәният» тармагының өч объекты буенча үтәлеш 96% тәшкил итә. Соңгы 2 атнада социаль учреждениеләр төзелеше кысаларында калган ике республика программасы буенча эшләр төгәлләнгән. Чирмешән районында, объектны тапшырып, башкарма комитетлар биналарын төзү программасын тәмамлаганнар. Нурлат районында соңгы объект халыкка комплекслы хезмәт күрсәтү пунктлары төзү программасы кысаларында тапшырылган.

«Экология" илкүләм проекты буенча биологик чистарту корылмаларын реконструкцияләү буенча - 98%ка, ләм кырларын рекультивацияләү буенча 76%ка эшләр башкарылган; 64 җәмәгать киңлеген төзекләндерү буенча бүгенге көнгә эшләрнең гомуми үтәлеше 97% тәшкил итә. 51 тапшырылган объектның 9ы 8 муниципалитетта узган 2 атнада төгәлләнгән. 5 республика һәм 2 федераль программа кысаларында республиканың инженерлык инфраструктурасын модернизацияләү дәвам итә. Республика өлешендә халыкны эчәр сулар белән тәэмин итү программасы эшләнә. Аның буенча үтәлеш 95%ка җиткән. Соңгы ике атнада Лаеш районындагы объектта эшләр төгәлләнгән. Шулай ук су агызу системалары челтәрләрен һәм корылмаларын төзү, реконструкцияләү программасы гомуми күләмнең 83%ы үтәлгән.

Бу атнада Аксубай һәм Алабуга районнарында газ бүлү челтәрләрен һәм йорт эчендәге газ куллану челтәрләрен реконструкцияләү, котельныйлар урнаштыру, ике объектны тапшыру программасы һәм Зеленодольск районында урамнарны яктыртуны торгызу программасы төгәлләнгән. Федераль өлеш буенча «Авыл территорияләренең хәзерге йөзе» федераль программасы 99%ка үтәлгән, аның буенча инженерлык инфраструктурасы объектлары төзелә. Соңгы ике атнада Мамадыш районында бер объектта эшләр төгәлләнгән. Коммуналь инфраструктураны модернизацияләү федераль программасы буенча төзелеш-монтаж эшләре 98% тәшкил итә. Хәзерге вакытта подрядчылар алты объектта эшли.  Узган ике атнада Казанда, Чаллыда, Чистай, Сарман һәм Әгерҗе районнарында 10сында эшләр төгәлләнгән. Төзелеш мәйданчыкларында контроль-күзәтчелек чаралары дәвам итә.

Ел башыннан үзлегеннән җайга салынучы оешмалар вәкилләре тарафыннан 2 мең 377 тикшерү уздырылган, аларның нәтиҗәләре буенча 793 тапкыр дисциплинар йогынты чаралары кулланылган. Дәүләт төзелеш күзәтчелеге инспекциясе ел башыннан административ җаваплылык турында 155 карар чыгарган. Гомумән алганда, быел ведомство белгечләре төзелеш мәйданчыкларында 1 мең 239 тапкыр булганнар. Баш инвестиция-төзелеш идарәсе гыйнвар аеннан башлап 575 контроль-күзәтчелек чарасы уздырган.