Алексей Песошин Монголия Президенты Администрациясе җитәкчесе Гомбожавын Занданшатар белән очрашты

Бүген Татарстан Республикасы Премьер-министры Алексей Песошин Монголия Президенты Администрациясе җитәкчесе Гомбожавын Занданшатар белән очрашты.

Очрашу ТР Хөкүмәте Йортында узды.

Искәртәбез, Монголия делегациясе Татарстанда Россия Федерациясенә эш сәфәренә һәм БРИКС саммитында (2024 елның 22-26 октябре) катнашу кысаларында килде.

Алексей Песошин Занданшатар әфәндене Татарстан Республикасы Хөкүмәте исеменнән сәламләде һәм республикага визиты һәм бүгенге очрашу, аерым алганда, уңышлы һәм озак вакытлы хезмәттәшлеккә яңа этәргеч булачагына ышаныч белдерде.

«Россия белән Монголия арасындагы партнерлыкны үстерү үзара файдалы мөнәсәбәтләрне ныгытуга ярдәм итә торган мөһим бурыч булып тора», - диде ул. Без Татарстанның Монголия белән багланышларын җайга салу мөмкинлеген югары бәялибез һәм үз дәрәҗәбездә Россия-Монголия мөнәсәбәтләрен ныгытуга ярдәм итәргә әзер, дип билгеләп үтте Песошин. Ул искәрткәнчә, соңгы елларда Монголия белән Татарстан арасында сәүдә үсеше күзәтелә.

Алексей Песошин сүзләренчә, без сәнәгатьнең күп тармакларында, шул исәптән авиатөзелештә, вертолетлар төзелешендә, суднолар төзелешендә, шулай ук зур йөк машиналары җитештерүдә уртак нокта таба алабыз. Татарстан Республикасы Премьер-министры электроника, отпика җитештерү һ. б. тармакларны билгеләп үтте. Ул төбәк икътисадының һәм сәнәгатенең кайбер тармаклары, шулай ук кайбер инновацион проектлар турында җентекләбрәк сөйләде. Без шулай ук яңа уртак проектлар булдыруга һәм Татарстан Республикасы предприятиеләре җитештерә торган продукцияне китереп тору өлкәсендә хезмәттәшлекне киләчәктә дә киңәйтүгә өметләнәбез, диде Алексей Песошин. Ул шулай ук Татарстан Республикасы Инвестицион үсеш агентлыгы һәм башка структуралар аша багланышлар җайга салынырга мөмкин, дип искәртте.

ТР Премьер-министры Монголия делегациясенә Татарстанга визитлары өчен рәхмәт белдерде. Үз чиратында, Монголия Президенты Администрациясе җитәкчесе Гомбожавын Занданшатар билгеләп үткәнчә, туризм, авыл хуҗалыгы һәм кайбер башка юнәлешләр буенча хезмәттәшлек итү өчен мөмкинлекләр бар.