Рөстәм Миңнеханов Беларусь Республикасы Урман хуҗалыгы министры Александр Кулик белән очрашты

Бүген Татарстан Республикасы Рәисе Рөстәм Миңнеханов Беларусь Республикасы Урман хуҗалыгы министры Александр Кулик белән очрашты.

Очрашу Рөстәм Миңнехановның ТР Хөкүмәте Йортындагы эш кабинетында узды.

Киләчәк хезмәттәшлек, уртак проектларны гамәлгә ашыру мәсьәләләре турында фикер алыштылар. Шулай ук тармак өчен актуаль булган башка мәсьәләләр дә кузгатылды. Бүгенге очрашуда Татарстан ягыннан Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Олег Коробченко, Татарстан Республикасы урман хуҗалыгы министры Равил Кузюров һәм башкалар катнашты.

Искәртәбез, Беларусь Республикасы Урман хуҗалыгы министры Александр Кулик Татарстанга эш сәфәренә килде. Кичә, 19 сентябрьдә, ул Саба муниципаль районында булды, «Саба урманчылыгы» ДКУ һәм «Укыту-тәҗрибә Саба урман хуҗалыгы» ДБУ эшчәнлеге белән танышты. Белоруссия Урман хуҗалыгы министрлыгы башлыгы шулай ук ТР Урман селекция-орлыкчылык үзәге эшчәнлеген өйрәнде.