Рөстәм Миңнеханов Казанда кайбер транспорт инфраструктурасы объектларын карады

Бүген Татарстан Республикасы Рәисе Рөстәм Миңнеханов кайбер транспорт инфраструктурасы объектларын карады һәм капитал сыешлы юл хуҗалыгы объектларын, шул исәптән Вознесение трактын һәм Казандагы Горький шоссесын бәяләде.

Беренче объект «Казан-1» тимер юл вокзалы бинасы булды. Рөстәм Миңнеханов Горький тимер юлы җитәкчелеге вәкилләре белән VIP-терминалны һәм аз хәрәкәтләнүчән пассажирлар өчен терминалны карады. Монда ремонт ясалган. Горький тимер юлы – Россия тимер юллары филиалы башлыгы Сергей Дорофеевский бинаны ремонтлау кысаларында башкарылган эшләр турында сөйләде. Ул шулай ук Казанның тимер юл инфраструктурасы объектларында ремонт эшләре өлешендә аңлатмалар бирде.

Аннары Татарстан Рәисе һәм аны озата йөрүче затлар электричкада «Вахитово» станциясенә кадәр барып җиттеләр. Алар хәрәкәтнең тизлеген һәм уңайлылыгын бәяләделәр. Кунаклар «Вахитово» станциясен карап чыктылар һәм «Вахитово» станциясеннән Г. Тукай ис. «Казан» халыкара аэропортына кадәр электричкада бардылар. ТР транспорт һәм юл хуҗалыгы министры Фәрит Хәнифов аңлатмалар бирде.

Юлда Рөстәм Миңнеханов «Каенлык», «Комбинат», «Юбилейная», «Столбище» перроннарын ремонтлауның барышы белән танышты. Исегезгә төшерәбез, Татарстан башкаласында БРИКС саммиты чараларына әзерлек һәм уздыру кысаларында Казан шәһәре белән «Казан» халыкара аэропорты арасындагы тимер юл участогында берничә тукталыш пункты ремонтланды. Килеп җитүгә «Казан» халыкара аэропорты перронына юлны һәм аэропорт перронын карадылар. Аннары

Рөстәм Миңнеханов Казанда Җиңү Проспекты районындагы М-7 «Волга» автотрассасына кадәрге участокта Вознесение трактын карады.

Рөстәм Миңнеханов караган чираттагы юл инфраструктурасы объекты «Зур Зеленодольск» проекты кысаларындагы автомобиль юлы булды. Шулай ук Рөстәм Миңнеханов Горький шоссесын карады.

Татарстан Республикасы Рәисен Татарстан Республикасы Премьер-министры урынбасары – Татарстан Республикасы Министрлар Кабинеты Аппараты җитәкчесе Шамил Гаффаров, Татарстан Республикасы транспорт һәм юл хуҗалыгы министры Фәрит Хәнифов, Казан мэры Илсур Метшин һәм башкалар озата йөрде.