Татарстан Рәисе «Ике Кремль» мотофестивале кысаларында мотоузышта катнашты

Татарстан Рәисе Рөстәм Миңнеханов «Ике Кремль» халыкара мотофестивале кысаларында оештырылган «Кызыл Кремльдән Ак Кремльгә» мотойөрешендә катнашты.

Чара Татарстан Республикасы көненә багышланды.

Мотоциклчылар 1 нче Май мәйданында колоннага тезелделәр. Аларга Рөстәм Миңнеханов кушылгач, байкерлар колоннасы «Казан» гаилә үзәгенә юнәлде. 

Фестивальдә бөтен илдән 1000гә якын мотоциклчы, шулай ук дустанә илләрдән - Төркия, Берләшкән Гарәп Әмирлекләре, Согуд Гарәбстаны, Кипр, Казахстан һәм башка илләрдән байкерлар катнашты.