Рөстәм Миңнеханов: Сыйфатлы юллар - илебезнең чәчәк атуы нигезе

Татарстан Рәисе Рөстәм Миңнеханов юл төзелешендә нефть химиясе продукциясен куллануны киңәйтү мәсьәләләренә багышланган түгәрәк өстәл утырышында катнашты. Чара Татарстан нефть-газ химиясе форумы кырларында узды.

Чара Татарстан нефть-газ химиясе форумы кырларында узды. Очрашуның модераторы ТР транспорт һәм юл хуҗалыгы министры Фәрит Хәнифов булды. 

Очрашу кысаларында Росавтодор төрле климат зоналарын исәпкә алып, юл өслегенең тотрыклылыгын арттыру, юлларның ныклыгын тәэмин итү һәм ремонт ясау арасын арттыру тәҗрибәсе белән уртаклашты. 2016-2023 елларда компания 8 мең км озынлыктагы 1 мең объектка 2 меңнән артык яңа материал кулланган. Композит материаллар, икенчел асфальт-бетон кушылган катнашмалар һәм башкалар аеруча еш кулланылган. 

«Автодор» ДК нефть химиясендә ясалма корылмалар өчен яңа карарлар турында мәгълүмат белән уртаклашты. М-12 трассасы составында Ока, Сура һәм Идел елгалары аша күперләр төзелә. Компания мәгълүматлары буенча һәр күпер аша чыгуның үзенчәлекләре һәм уникаль техник характеристикалары бар. Әйтик, Ока елгасы аша күпер РФдә эшләнгән һәм сертификацияләнгән вант системалы беренче күпер булды. 

КДАТУ ректоры Рәшит Низамов югары уку йортының фәнни-инновацион эшләнмәләрен гамәлгә кертү турында сөйләде. Алар арасында вак таш-мастикалы асфальт-бетон катнашмалар өчен модификацияләүче тотрыклыландыручы өстәмә катнашмалар, шулай ук эшкәртелгән һәм модификацияләнгән минераль материаллар кулланып, аз интенсивлы авыл автомобиль юлларына нәтиҗәле конструкцияләр эшләү.

«Полипласт» компаниясе ясалма корылмаларны ремонтлау, саклау һәм гидроизоляцияләү өчен яңа чишелешләр тәкъдим итте. Импортны алмаштыру программасын гамәлгә ашыру кысаларында күпер өслеген асфальт-бетон җәю өчен гидроизоляцияләү өчен материаллар системасын булдыру буенча фәнни-техник эш төгәлләнеп килә.

«Сибур» компаниясе вәкиле юл тармагы өчен полимер чишелешләр үсеше турында сөйләде. Бу юллар өчен геосинтетика, тавыштан саклаучы экраннар, юл билгеләре өчен полимер дисперсияләр, шулай ук юлларны бәйләүче компонентлар. 

«Газпромнефть-юл төзелеше» компаниясе автомобиль юллары челтәре белән идарә иткәндә тормыш циклы бәясен анализлау, фаразлау һәм планлаштыру методологиясен тәкъдим итте. 

Рөстәм Миңнеханов билгеләп үткәнчә, юл төзелеше инновацион технологияләрне актив гамәлгә кертүне таләп итә. Ул тәкъдим ителгән эшләнмәләрне юллар төзелешендә куллану мөмкинлеген өйрәнергә кушты. "Күбрәк инновацияләр кирәк. Юллар катлаулана, һава-климат шартлары үзгәрә. Фәнсез без ерак китә алмаячакбыз. Сыйфатлы юллар - илебезнең чәчәк атуы нигезе", - дип өстәде ул.