Рөстәм Миңнеханов Казан һәм Татарстан митрополиты Кирилл белән очрашты

Татарстан Рәисе Рөстәм Миңнеханов Татарстан митрополиясе башлыгы, Казан һәм Татарстан митрополиты Кирилл белән очрашты. Очрашу ТР Хөкүмәте Йортында узды.

Очрашуда Татарстан митрополиясенең агымдагы эшчәнлеге, православие мәдәниятен һәм рухи-әхлакый кыйммәтләрне саклау һәм үстерү, шулай ук дини объектларны торгызу, аерым алганда, Казан Богородица монастыре комплексын торгызу турында фикер алыштылар.

Митрополит Кирилл Казан епархиясе руханиларының МХО зонасында хезмәт итүләре, шулай ук Татарстан приходлары актив катнашкан гуманитар миссия турында аерым сөйләде.