Татарстан Рәисе «Мәктәпкә җыенырга ярдәм ит» гамәлендә катнашты

Татарстан Рәисе Рөстәм Миңнеханов «Мәктәпкә җыенырга ярдәм ит» республика хәйрия гамәлендә катнашты. Чара август Педагоглар советы алдыннан Лаеш районының Усады авылында урнашкан «Инноватика» күп юнәлешле лицеенда узды.

Исегезгә төшерәбез, бу гамәл 2007 елдан бирле үткәрелә. Ул баланы мәктәпкә әзерләгәндә өстәмә ярдәм таләп ителә торган гаиләләргә ярдәм итүгә юнәлдерелгән. Балалар кирәкле канцелярия товарлары тулы комплектлы мәктәп портфельләре алалар.

"Мәктәпкә җыенырга ярдәм ит" гамәле - яңа уку елы алдыннан күркәм традиция. Бу бик кирәкле һәм ихтыяҗы булган проект. Быел без шулай ук Россиянең яңа төбәкләрендәге шефлыкка алынган шәһәрләребездә мәктәп укучыларына ярдәм күрсәтәчәкбез», - дип билгеләп үтте Рөстәм Миңнеханов. Татарстан Рәисе барысын да якынлашып килүче яңа уку елы белән котлады һәм «Инноватика» лицееның беренче сыйныфка керүче 20 укучысына мәктәп портфельләре тапшырды. 2024/2025 уку елы башына әлеге гамәл кысаларында республиканың барлык шәһәр һәм районнарында 9,5 мең беренче сыйныф укучысына һәм 2-11 сыйныфларда укучы 10 меңнән артык укучыга ярдәм күрсәтү планлаштырыла.