Рөстәм Миңнеханов Түбән Кама һәм Чаллы шәһәрләрен урап узучы Кама аша төзелә торган күпердә булды

Татарстанда Кама аша күпердә кичү корылмасын төзү төгәлләнде. 1,3 км озынлыктагы күпер «Имин сыйфатлы юллар» илкүләм проекты кысаларында Түбән Кама һәм Чаллыны урап уза. Тантаналы чарада Татарстан Рәисе Рөстәм Миңнеханов, Федераль юл агентлыгы (Росавтодор) җитәкчесе Роман Новиков, «Волго-Вятскуправтодор» ФКУ башлыгы Илдар Минһаҗев, Татарстан Республикасы транспорт һәм юл хуҗалыгы министры Фәрит Хәнифов катнашты.

Агымдагы эшләр барышы турында Рөстәм Миңнехановка Илдар Минһаҗев хәбәр итте. Күпернең әзерлеге 85%ка җитеп килә. Кама аша күпернең кичүен төзү ике өлештән торачак: үзәен һәм эстакада. Күпернең юл өлеше 65 блоктан җыелган 792 м озынлыктагы тоташ металл корылмадан гыйбарәт. Күпернең металл блокларын эреләндереп җыюга белгечләр 2023 елның июнендә керешкәннәр. 14 ай эчендә күпер төзүчеләр 11 мең тоннадан артык авырлыктагы конструкцияне җыйганнар һәм күпернең терәкләренә этәргәннәр. Этәрү берничә этапта башкарылган - 7дән 1 үзән терәгнә кадәр. Беренче этапны 2023 елның сентябрендә үтәгәннәр. Монтажны буй күчәр методы ярдәмендә башкарганнар, ул чакта кичүләрне күпер күчәре буенча горизонталь рәвештә күчергәннәр. Шулай ук хәрәкәтләнү процессында кичү төзелеше эчендә урнаштырылган датчиклар ярдәмендә хәрәкәтнең төгәллеген контрольдә тоту буенча мониторинг алып барыла. Бүген күпер төзүчеләр кичү корылмасын күпернең беренче үзәненә күчергәннәр. Якын арада белгечләр тагын бер мөһим этапка - кичү төзелешен терәк өлешләргә төшерүгә керешәчәкләр. Бу күп хезмәт таләп итүче процесс, аны 2024 елның октябрендә тәмамлаячаклар. Озынлыгы 510 м булган эстакада өлешендә кичүләрне тимер-бетон баганалардан җыялар. Тугыз кичүдә өрлекләр монтажланган һәм тигезләүче катлам ясалган. Калган алты кичүне монтажлауга стапель мәйданчыгын сүткәннән соң керешү планлаштырыла. Рөстәм Миңнеханов ассызыклаганча, транспорт инфраструктурасы - үсеш нигезе һәм ил икътисадының перспективасы. Кама аша күпер белән Түбән Кама һәм Чаллыны урап узу - федераль масштабтагы мөһим стратегик проект. "Бу илебезнең ике эре сәнәгать үзәге. Элек логистика, заводларга килү кебек проблемалар бар иде. Хәзер бу мәсьәләләрнең барысы да хәл ителде. Без элек бу турыда хыяллана да алмый идек. Бу бөтен ил өчен мөһим объект. Юл төзүчеләргә һәм күперчеләргә зур рәхмәт сүзләребез. Эшләр бер елга диярлек алдан алып барыла. Без хәрәкәтне быел ук башлап җибәрәчәкбез. Бу илебез Хөкүмәте, Росавтодор командасы, подрядчыларыбызның төгәл системалы эше", - диде республика Рәисе. Кичү төзелешендә гидроизоляция урнаштыру эшләре алып барыла. Ул конструкцияләрне коррозиядән ышанычлы саклаячак. Шуннан соң сентябрьдә асфальт-бетон җәюгә керешү планлаштырыла. Шулай ук кичү төзелешендә цокольне барьер киртәсе астына урнаштыралар. Роман Новиков билгеләп үткәнчә, августта күчерү процессын тәмамлау - бу график күзлегеннән караганда бик мөһим. "Без моны ноябрьдә эшләсәк, асфальт-бетон җәю, урнаштыру эшләрен сыйфатлы башкару куркынычы зур булыр иде. Шулай булгач, ноябрьгә без бу күпердә төп эшләрне төгәлләргә һәм декабрьгә аның буенча хәрәкәтне кузгатып җибәрергә планлаштырабыз", - дип өстәде Росавтодор башлыгы. Кама ярларын тоташтыручы күпер 22 терәктә торачак, шулардан 15 терәк — эстакада өлешендә һәм 7 терәк ‒ үзән өлешендә. Участокта терәкләр төзелеше төгәлләнгән диярлек. Юл терәкләре - 95%ка, эстакада терәкләре 80%ка әзер. Шулай ук объектта җир өемен күпер терәкләре белән тоташтыру, терәкләрне һәм аралык төзелешен буяу эшләре алып барыла. Түбән Кама һәм Чаллы шәһәрләрен урап узу - 81 км озынлыктагы яңа юнәлеш. проект кысаларында 10 күпер, 5 транспорт чишелеше, 11 юлүткәргеч һәм 5 төрле дәрәҗәдәге киселешләр төзелеше төгәлләнә.