Татарстанда 3 августка 2 млн 535 мең кв. м торак файдалануга тапшырылган, ягъни планның 81%ы

Татарстанда ел башыннан бирле төзелеш мәйданчыкларында җитештерүдә имгәнүләрнең 10 очрагы теркәлгән. Һәм хезмәтне саклау чаралары турында бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин хәбәр итте. Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды.

Татарстан Республикасы Төзелеш министрлыгы башлыгы хәбәр иткәнчә, ел башыннан үзлегеннән җайга салынучы оешмалар вәкилләре тарафыннан төзелеш өлкәсендә 1 726 тикшерү уздырылган, аларның нәтиҗәләре буенча 591 хокук бозу очрагы ачыкланган. Дәүләт төзелеш күзәтчелеге инспекциясе ел башыннан бирле административ җаваплылык турында 84 карар чыгарган. Гомумән алганда, быел ведомство белгечләре төзелеш мәйданчыкларында 812 тапкыр булганнар. Баш инвестиция-төзелеш идарәсе (БИТИ) гыйнвардан 171 контроль-күзәтчелек чарасы үткәргән. Ачыкланган 460 хокук бозуның 433е бүгенге көнгә бетерелгән. Муниципаль берәмлекләр башлыкларына, заказ бирүчеләргә һәм төзүчеләргә хезмәтне саклауның барлык таләпләрен үтәүне даими контрольдә тотарга кирәк, диде Марат Айзатуллин. Аннары ул торакны файдалануга тапшыру турында мәгълүмат бирде. 3 августка гомуми план 81%ка үтәлгән - 2 млн 535 мең кв. м. файдалануга тапшырылган. Коммерциячел төзелеш линиясе буенча планлаштырылган күләмнең 40%ы тапшырылган: бу - гомуми мәйданы 586 мең кв. м булган 98 күп фатирлы йорт. Социаль ипотека өлешендә еллык план 73%ка үтәлгән. Быел төзелергә тиешле 56 йортның 28е файдалануга тапшырылган. Аларның гомуми мәйданы - 118 мең кв. м. Шәхси торак төзелеше линиясе буенча бүгенгә еллык план үтәлгән һәм 121% тәшкил итә. 1 млн 831 мең кв. метр мәйданлы 13 561 йорт файдалануга тапшырылган. Гражданнарның аерым категорияләрен торак белән тәэмин итү буенча эш дәвам итә. Ятим балаларны торак белән тәэмин итү өлешендә, инде төзелгән дәүләт контрактыннан тыш, ТР Сатып алулар буенча дәүләт комитеты тарафыннан 81 һәм 348 торак урыны сатып алу буенча контракт төзү хокукына ике аукцион игълан ителгән. Шулай ук ТР Җир һәм мөлкәт мөнәсәбәтләре министрлыгы дүртенче һәм бишенче дәүләт контрактлары кысаларында 153 торак урын алуга аукцион игълан итү буенча чаралар үткәрә. Быелгы программага кертелгән 84 яшь гаиләнең 69ы торак сатып алуга субсидияләрен кулланган, калганнары торак базарында фатир сайлауны дәвам итә. «5 һәм аннан да күбрәк баласы булган күп балалы гаиләләр» категориясендә бүгенгә 28 сертификатның 8е 709 кв. м. мәйданга сатылган. калган гаиләләр буенча хәзерге вакытта Дәүләт торак фонды тарафыннан торак урыннары сайлау буенча эш алып барыла. Торак төзелешенә ярдәм итүгә юнәлдерелгән чаралар буенча вәзгыять түбәндәгечә. «Торак» федераль программасы буенча үтәлеш 37% тәшкил итә. «Авыл территорияләрен комплекслы үстерү» дәүләт программасы буенча - 59%. Мәгариф өлкәсендәге объектлар буенча 11 мәктәп һәм янкорманың әзерлеге бүгенгә 91% тәшкил итә. Сәламәтлек саклау тармагында фельдшер-акушерлык пунктлары төзелеше буенча башкарылган эшләр 76% дип бәяләнә. 4 футбол манежы төзелеше – 33%, универсаль спорт мәйданчыклары – 58%. Кукмара шәһәрендә чаңгы-роллер трассасын һәм «Авыл территорияләрен комплекслы үстерү» дәүләт программасына керә торган Апас шәһәр тибындагы бистәдә футбол кырының административ бинасын төзү эшләре 41% дип бәяләнә. Моннан тыш, балалар лагерьларын төзү буенча республика программасы 40%ка үтәлгән. Соңгы 2 атнада Ютазы районында объект буенча эшләр төгәлләнгән. «Авыл территорияләренең бүгенге йөзе» федераль программасы буенча төзелә торган Балык Бистәсе бистәсендәге яшьләр үзәгенең әзерлеге 32% тәшкил итә. Мәдәният тармагы объектлары буенча үтәлеш 60% тәшкил итә. 16 объект кергән башка ике республика программасы буенча агымдагы вәзгыять түбәндәгечә. Бүгенгә 7 Башкарма комитетның әзерлеге 79%ка җиткән. Халыкка комплекслы хезмәт күрсәтү пунктлары буенча эшләр 91%ка башкарылган. Бу атнада Ютазы районындагы объектта эшләр төгәлләнгән. «Экология» тармагы объектлары буенча 87% биологик чистарту корылмаларын реконструкцияләү эшләре башкарылган, 68% - ләм кырларын рекультивацияләү буенча, 82% - Саба районының Шәмәрдән авылында нефтьле пычраклар белән бозылган җирләрне рекультивацияләү буенча эшләр башкарылган. Республикада бер республика һәм ике федераль программа кысаларында 64 җәмәгать киңлеген төзекләндерү дәвам итә. Бүгенгә алар буенча эшләрнең гомуми үтәлеше 45% тәшкил итә. Республиканың инженерлык инфраструктурасын модернизацияләү дәвам итә. Республика программалары өлешендә халыкны эчәр сулар белән тәэмин итү программасы буенча үтәлеш 56%ка җиткән. Узган ике атнада республиканың 6 муниципалитетында 6 объект буенча эшләр төгәлләнгән. Су агызу системалары челтәрләрен һәм корылмаларын төзү, реконструкцияләү программасы гомуми күләмнең 35%ы үтәлгән. Федераль өлеш буенча «Авыл территорияләренең хәзерге йөзе» программасы 73%ка үтәлгән, аның буенча инженерлык инфраструктурасы объектлары төзелә. Коммуналь инфраструктураны модернизацияләү федераль программасы буенча төзелеш-монтаж эшләре 68% тәшкил итә. Хәзерге вакытта подрядчылар 36 объектта эшли.