Рөстәм Миңнеханов Росатом дәүләт компаниясенең фәнни-техник блогы җитәкчелеге белән очрашты

Бүген иртән Татарстан Республикасы Рәисе Рөстәм Миңнеханов Росатом дәүләт корпорациясенең фәнни-техник блогы җитәкчелеге белән очрашты.

Очрашу Татарстан Республикасы Хөкүмәте Йортында Рөстәм Миңнехановның эш кабинетында узды.

Алга таба хезмәттәшлек мәсьәләләре, шул исәптән аддитив технологияләрне үстерү өлкәсендә дә тикшерелде. Шулай ук федераль дәрәҗәдә аддитив технологияләр өлкәсендә Росатом ДК һәм Татарстанның уртак инициативалары темасы да күтәрелде.