Рөстәм Миңнеханов XXIV Федераль Сабантуйда: Сабантуй - иң беренче чиратта дуслык бәйрәме

Сабантуй бәйрәме - иң беренче чиратта дуслык бәйрәме. Бу хакта бүген Татарстан Республикасы Рәисе Рөстәм Миңнеханов XXIV федераль Сабантуй ачылышында белдерде. Чара Марий Эл Республикасы Медведев районы Руэм поселогы территориясендә уза.

Сабантуйның барлык кунакларын сәламләп, Рөстәм Миңнеханов шулай ук монда Бөтендөнья татар конгрессы делегатлары катнашуын билгеләп үтте.

"Бүген 70 төбәк 500 делегатны тәкъдим итте, алар безнең белән бергә бүген федераль Сабантуй кунаклары, - диде Рөстәм Миңнеханов. -24 нче федераль Сабантуйның сезнең матур төбәгегездә уздырылуы сөендерә. Без әзерлекнең югары дәрәҗәдә булуын күрәбез. Яхшы оештыру өчен без Мари Эл Республикасы җитәкчелегенә, җирле хакимияткә һәм әлеге чараны оештыруда катнашкан һәркемгә чын күңелдән рәхмәт белдерәбез». Татарстан Рәисе шулай ук бәйрәмне оештыру өчен Татарстаннан җаваплы булган Түбән Кама муниципаль районына рәхмәт сүзләрен җиткерде. Рөстәм Миңнеханов искәрткәнчә, Марий Элдә Сабантуй икенче тапкыр уза (элек - 2004 елда Йошкар-Олада). "Сабантуй - ул иң беренче чиратта дуслык бәйрәме, монда диннәр дә, милләтләр дә юк. Без барыбыз да монда - туганнар, - диде Рөстәм Миңнеханов. - Сабантуй - ул спорт та, көндәшлек рухы да, тәмле ризык та. Без барыгызга да катнашуыгыз өчен чын күңелдән рәхмәт белдерәбез һәм яхшы көннәр телибез!» Марий Эл Республикасы Башлыгы Юрий Зайцев ачылыш кысаларында, төбәк өчен - бу колачлы чараны кунакчыл марый җирендә үткәрү зур хөрмәт, дип белдерде. "24 нче федераль Сабантуй ачылышында барысын да сәламләргә шатмын, - диде ул. - Безнең өчен Сабантуй - халыклар арасында үзара аңлашу һәм татулык символы. Россия Президенты Владимир Владимирович Путин Россиянең күпмилләтле бердәмлеген иң зур кыйммәт дип атады, һәм мин ышанам, безнең һәрберебез бу раслау белән килешәчәк". Ачылу тантанасыннан соң Рөстәм Миңнеханов һәм Юрий Зайцев милли уеннар мәйданчыгында булдылар һәм аркан тарту буенча ярышларда катнаштылар. Республикада бәйрәмне 1 июльдә билгеләп үтә башладылар - төбәк халкы һәм кунаклары өчен төрле күргәзмәләр үткәрелде, ә 5 июльдә - ат спорты ярышлары, мариый һәм татар артистлары катнашында концерт һәм «Тугәрәк уен», яки «Хоровод» интерактивы узган. Бүген тамашачылар - Бөтенроссия гармунчылар фестивалендә катнашучыларның чыгышларын, ә кичен «Кичке уен» концерт-күңел ачу программасын күрә алачак. Спорт мәйданчыгында милли көрәш, армреслинг, мас-рестлинг, гирь спорты, көч экстримы, аркан тартышу ярышлары һәм җәядән ату буенча бөтенроссия ярышлары узачак. Кече спорт мәйданчыгында конкурс һәм атларда милли көрәш буенча "Аударыш" узачак. Балалар мәйданында яшь катнашучылар өчен концерн-уен программасы әзерләнгән. Биредә "Тукай шигырьләре минем күңелемдә" республика рәсем конкурсында җиңүчеләр билгеләнәчәк. Сабантуй мәйданчыгында һәм Марий Эл муниципаль берәмлекләре ишегаллары күргәзмәсе эшли. Кунакларны презентацияләр, театральләштерелгән тамаша, берничә экспозиция һәм мастер-класслар көтә. Шулай ук «Бармак» татар печеньесының иң күп саны буенча рекорд кую планлаштырыла, шуннан соң кунакларны сыйлаячаклар. 2001 елдан федераль Сабантуй Россия төбәкләренең берсендә үткәрелә, һәм 2025 елда бәйрәмне үткәрү эстафетасы Саха (Якутия) Республикасына күчте. Бүген федераль Сабантуйның күчеп баручы символы - бронза ат Тулпар - Саха (Якутия) Республикасы Дәүләт Җыелышы (Ил Төмән) Рәисе урынбасары Александр Подголовка тапшырылды.