Рөстәм Миңнеханов Грозный һәм Аргун шәһәрләре мэрлары белән очрашты

Татарстан Рәисе Рөстәм Миңнеханов Грозный мэры Хас-Мөхәммәд Кадыйров һәм Аргун мэры Илес Масаев белән очрашты. Очрашу ТР Хөкүмәте Йортында узды.

Кунаклар Казанга БРИКС+илләре шәһәрләренең халыкара форумында катнашу өчен килгәннәр. Форум мәйданчыгында 21 илдән 200ләп мэр, вице-мэр, муниципаль берләшмәләр һәм җирле хакимият ассоциацияләре җитәкчеләре җыелачак.

Грозный мэры Рөстәм Миңнехановка Чечен Республикасы Башлыгы Рамзан Кадыйровтан җылы сәламләү сүзләрен җиткерде.

Республика Рәисе үз чиратында Татарстан белән Чечня арасында ныклы туганлык мөнәсәбәтләре барлыкка килүен ассызыклады. Ул берничә юнәлеш буенча төбәкара хезмәттәшлек потенциалын югары бәяләде.