Рөстәм Миңнеханов Алексей Дюмин Һәм Игорь Левитин белән очрашты

Татарстан Рәисе Рөстәм Миңнеханов РФ Президенты ярдәмчесе Алексей Дюмин һәм РФ Президенты киңәшчесе Игорь Левитин белән очрашты. Очрашу Казан Кремлендә узды.

Кунаклар Казанга «БРИКС Спорт Уеннары» халыкара мультиспорт турнирын ачу тантанасында катнашу өчен килгәннәр. Бүген кич «Казан Экспо»да тантаналы чара узачак.

БРИКС Уеннары 12-23 июньдә узачак. Казанда 15 спорт объекты һәм Мәскәүдә 1 объект кулланылачак. Барлыгы 27 спорт төре буенча 387 комплект медаль уйнатылачак. 100 илдән 3,5 меңнән артык спортчы һәм 1,5 мең рәсми зат көтелә.