ТР Төзелеш министрлыгы: Бүгенге көндә республикада торак төзелеше буенча план 70%ка үтәлгән

Бүгенге көндә республикада торак төзелеше буенча план 70%ка үтәлгән - 2 млн 187 мең кв.м. файдалануга тапшырылган. Бу хакта бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин хәбәр итте.

Киңәшмәне Татарстан Республикасы Рәисе Рөстәм Миңнеханов барлык муниципаль районнар белән видеоконференцэлемтә режимында уздырды. Киңәшмәдә шулай ук ТР Премьер-министрының беренче урынбасары Рөстәм Нигъмәтуллин да катнашты.

Коммерциячел төзелеш линиясе буенча планлаштырылган күләмнең 29%ы тапшырылган - бу 432 мең кв. метр мәйданлы 76 күп фатирлы йорт. Социаль ипотека ягыннан еллык план 65%ка үтәлгән. Быел төзелергә тиешле 56 йортның 25е тапшырылган. Аларның гомуми мәйданы 105 мең кв. м тәшкил итә. Шәхси торак төзелеше буенча бүгенге көндә еллык план үтәлгән. 1 млн 650 мең кв. м мәйданлы 12 мең 228 йорт тапшырылган. Ятим балаларны торак белән тәэмин итү программасы кысаларында бүгенге көндә 39 торак бинаны федераль бюджеттан финанслау хисабына сатып алу буенча дәүләт контракты төзелгән. Быел программасына кертелгән 84 яшь гаиләнең 37се субсидия акчаларын кулланган, калганнары торак базарында фатирлар җыюны дәвам итә. «5 һәм аннан да күбрәк баласы булган күп балалы гаиләләр» категориясе буенча бүгенге көндә 28 сертификатның берсе гамәлгә ашырылган. Сертификат алган башка гаиләләр буенча хәзерге вакытта Дәүләт торак фонды торак урыннарны сайлап алу буенча эш алып бара. Мәҗбүри күченүчеләр, Ерак Төньяктан күченүчеләр һәм чернобыльчеләр категориясендә 5 алучыдан бүгенге көнгә 4 гаилә тиешле торак сатып алган. «Торак» федераль программасы буенча - 13%, «Авыл территорияләрен комплекслы үстерү» дәүләт программасы буенча - 12%. "Мәгариф" өлкәсендә 11 мәктәп һәм янкорылма төзелеше буенча хәл 52% тәшкил итә. Моннан тыш, 10 балалар бакчасы буенча төзелеш-монтаж эшләре күләме 38%ка башкарылган. "Сәламәтлек саклау" тармагы объектларын төзү өлешендә ФАПлар төзү буенча эшләр 54% тәшкил итә. Башка медицина учреждениеләре буенча төзелеш-монтаж эшләре 46%ка җиткән. Спорт тармагы объектлары буенча 4 футбол манежы төзү буенча эшләр дәвам итә. Эшләр 12 процентка җитә. Шулай ук 9 универсаль мәйданчыкта эшләр алып барыла. Монда программаның гомуми үтәлеше - 11%. «Авыл территорияләрен комплекслы үстерү» дәүләт программасы кысаларында Кукмара шәһәрендә чаңгы-роллер трассасы һәм Апас шәһәр тибындагы футбол кырының административ бинасы төзелеше дәвам итә. Эшләрнең 11%ы башкарылган. «Яшьләр сәясәте» тармагында республика программасы кысаларында 5 балалар лагере төзелә. Эшләр 26 процент тәшкил итә. Узган ике атнада Кукмара районында объектны тәмамлаганнар. Балык Бистәсе штп та яшьләр үзәген төзү буенча эш күләме 19%ка үтәлгән, ул федераль программага керә. Подрядчыларда «Мәдәният» тармагы буенча өч объект та эшли. Гомуми күләмнең 29%ы үтәлгән. «Экология» тармагы объектлары буенча биологик чистарту корылмаларын реконструкцияләү (81 процент үтәлгән), ләм басуларын рекультивацияләү (67 процент) һәм Саба районының Шәмәрдән авылында нефтьле пычранулар белән бозылган җирләрне рекультивацияләү (80 процент) буенча эшләр алып барыла. Башкарма комитетлар (43%) һәм халыкка комплекслы хезмәт күрсәтү пунктлары (62%) төзелеше дәвам итә. Агымдагы атнада подрядчылар Минзәлә районында комплекслы хезмәт күрсәтү пункты буенча эшләрен тәмамладылар. Гадәттәгечә, республика һәм федераль чаралар кысаларында җәмәгать киңлекләрен төзекләндерү буенча зур күләмдә эш башкарылачак. 64 объектның 52сендә эшләр алып барыла. Программаның гомуми үтәлеше 15% тәшкил итә. Республика һәм федераль программаларның аерым блогын инженер инфраструктурасын модернизацияләү буенча объектлар биләп тора. Республика программалары өлешендә 25 райондагы 31 объектта халыкны эчәр сулар белән тәэмин итү буенча эшләр алып барыла. Программа буенча башкару 27%ка җиткән. Узган ике атна эчендә 12 муниципалитетта 13 объектта эшләр тәмамланган. Чистарту корылмаларын модернизацияләү һәм канализация челтәрләрен капиталь ремонтлау программасы буенча подрядчылар 8 объектта эш алып баралар. Эшләрнең гомуми күләменең 9 проценты башкарылган. Шулай ук подрядчылар газ куллану челтәрләрен реконструкцияләү һәм капиталь ремонтлау программасын гамәлгә ашыра башладылар. Аның буенча башкару 4 процент тәшкил итә. Бу атнада Алексеевск районындагы объектта эшләр тәмамланган. Федераль өлеш буенча «Авыл территорияләренең заманча кыяфәте» программасы буенча эшләр дәвам итә. Гомуми күләмнең 28%ы үтәлгән. Коммуналь инфраструктураны модернизацияләүнең федераль программасын үтәү 44% тәшкил итә. Эшләр 30 объектта алып барыла. Калган объектлар буенча эшләр июнь ахырына кадәр башланачак. Төзелеш мәйданчыкларында иминлек нормаларын үтәүгә аерым игътибар бирелә. Мәсәлән, ел башыннан үзлегеннән җайга салынучы оешмалар 1 мең 239 тикшерү үткәргән, аларның нәтиҗәләре буенча 378 очракта төзелеш оешмаларына дисциплинар йогынты чаралары кулланылган. Дәүләт төзелеш күзәтчелеге инспекциясе белгечләре төзелеш мәйданчыкларын 552 тапкыр тикшергәннәр. Аларның нәтиҗәләре буенча административ җаваплылык турында 53 карар чыгарылган. Ел башыннан Баш инвестиция-төзелеш идарәсе тарафыннан 149 тикшерү үткәрелгән. 1 июньдә традицион республика санитар-эпидемиологик ике айлыгы тәмамланды. Аның төп өлеше тармакта катнашучыларның экологик законнарны үтәвен тикшерү булды. Дәүләт төзелеш күзәтчелеге инспекциясе 106 тикшерү үткәргән, аларның нәтиҗәләре буенча 111 беркетмә төзелгән.