Рөстәм Миңнеханов 2024 елның 1 кварталында эш йомгаклары буенча Татарстан кече нефть компанияләре җитәкчеләре белән киңәшмә үткәрде

Бүген Татарстан Республикасы Хөкүмәте Йортында Татарстан Республикасының кече нефть компанияләре җитәкчеләре белән киңәшмә узды. Төп мәсьәлә - 2024 елның I кварталында Татарстан Республикасының кече нефть компанияләре эшчәнлегенең йомгаклары һәм алга таба үсеш бурычлары. Киңәшмәне Татарстан Республикасы Рәисе Рөстәм Миңнеханов үткәрде.

Киңәшмәдә кече нефть компанияләре җитәкчеләре, федераль структуралар вәкилләре, шулай ук министрлыклар, ТР Рәисе Администрациясе һәм Татарстан Республикасы Министрлар Кабинеты Администрациясе җитәкчеләре һәм хезмәткәрләре катнашты.

Рөстәм Миңнеханов хәбәр иткәнчә, ил Президенты Владимир Путин энергетика тармагында, шул исәптән нефть сәнәгатендә дә тотрыклы күрсәткечләрне билгеләде. "Россиядә чыгару динамикасы күп очракта илнең ОПЕК+ кысаларындагы йөкләмәләре һәм ОПЕК+ илләренең килешүләре буенча чыгару һәм экспортны ирекле киметү белән билгеләнә», - диде ул.

Рөстәм Миңнеханов шулай ук ассызыклаганча, республика буенча быелның 1 нче кварталында хәл тотрыклы булган.

Киңәшмәдә, шул исәптән, кече нефть компанияләреннән 2024 елның I кварталында Татарстан Республикасының берләштерелгән бюджетына салым түләүләрен кертү мәсьәләсе каралды. Мондый керемнәр 2 242,4 млн. сум тәшкил иткән, шуларның 1 470,7 млн. сумы - табышка салым.

Рөстәм Миңнеханов билгеләп үткәнчә, "түләүләрнең, аерым алганда, табышка салымның артуына нефть сату нәтиҗәсенең яхшыруы, нигездә бәя факторы хисабына, НДПИ һәм НДД түләүләрен исәпкә алып, төп йогынты ясый».ый".

Татарстан Республикасының кече нефть компанияләренең 1 нче кварталдагы эш нәтиҗәләре турындагы нотык белән «Нефтеконсорциум» компаниясенең генераль директорының беренче урынбасары – баш инженеры Олег Вышенский чыгыш ясады.

Шулай ук кече нефть компанияләренең сәнәгать куркынычсызлыгы таләпләрен үтәүләре турында нотык тыңланды.