Татарстан Рәисе Администрациясе Җитәкчесе Әсгать Сәфәров «Россиянең әдәби флагманы» фестиваль-форумы чараларында катнашты

Бүген Татарстан Республикасы Рәисе Администрациясе Җитәкчесе Әсгать Сәфәров «Россиянең әдәби флагманы» фестиваль-форумы чараларында катнашты. 

Фестиваль 2024 елның 23-25 маенда Татарстанда уза. Республика беренче тапкыр фестиваль-форум уздыру урыны итеп сайланды, чөнки 2023 елда «Иң күп китап укучы төбәк» бөтенроссия конкурсында җиңде («Күчмә китапханә»проекты).

Форум үзе быел беренче юбилеен – ун еллыгын билгеләп үтә.

Исегезгә төшерәбез, форум чараларында Россия китап берлеге президенты Сергей Степашин да катнаша.

Мәсәлән, ТР Рәисе Администрациясе Җитәкчесе Әсгать Сәфәров, Россия китап берлеге президенты Сергей Степашин һәм башка хөрмәтле кунаклар классиканы актуальләштерүгә багышланган дискуссиядә катнаштылар, - китаплар креатив индустрияләр үсеше драйверы буларак.

Чара Е.А. Боратынский музеенда узды, ә дискуссиянең модераторы - ТР мәдәният министры Ирада Әюпова .

"Россия китап индустриясе - цифрлы икътисадның иң актив уенчыларының берсе. Китаплар классик продуктның барлык таләпләренә җавап бирүне дәвам итә һәм шул ук вакытта заманча базарга һәм яңа куллану сценарийларына җиңел туры килә. Төбәктә иҗади сектор тотрыклырак үскән саен, аның икътисадый ландшафты һәм кеше тормышының сыйфаты ныграк үзгәрә», - дип билгеләп үтте очрашуда катнашучылар.

Форумның пленар утырышы «Яңа заман китап индустриясе: чакырулар, икътисад, киләчәк» темасына багышланды һәм Фешин исемендәге Казан сәнгать училищесы мәйданчыгында узды. Әсгать Сәфәров фестивальдә катнашучыларга һәм кунакларга сәламләү сүзе белән чыгыш ясады.