Минтимер Шәймиев Гурбангулы Бердымөхәммәдов белән очрашты

Бүген Татарстан Республикасының Беренче Президенты, Татарстан Республикасы Дәүләт Киңәшчесе Минтимер Шәймиев төркмән халкының милли лидеры, Төркмәнстанның Халык Мәсләхәте Рәисе Гурбангулы Бердымөхәммәдов белән очрашты.

Очрашу «Россия – Ислам дөньясы: KazanForum 2024» XV халыкара икътисадый форумы кысаларында узды.

Әңгәмә барышында Минтимер Шәймиев һәм Гурбангулы Бердымөхәммәдов «Россия - Ислам дөньясы» стратегик караш төркеме эшчәнлеге, ислам дәүләтләре белән Россия арасындагы хезмәттәшлекне ныгыту турында фикер алыштылар, шулай ук Татарстан белән Төркмәнстанның кайбер уртак проектларын гамәлгә ашыру барышы турында фикер алыштылар.