Татарстан Рәисе Дәүләт Думасының Халыкара эшләр комитеты рәисе Леонид Слуцкий белән очрашты

Татарстан Рәисе Рөстәм Миңнеханов Россия Федерациясе Федераль Собраниесе Дәүләт Думасының Халыкара эшләр комитеты рәисе Леонид Слуцкий белән очрашты. Очрашу «Россия - Ислам дөньясы» стратегик күзаллау төркеме утырышыннан соң узды. 

Очрашуда Россия Федерациясе Хөкүмәте Рәисе урынбасары Марат Хөснуллин, Волоколам митрополиты, Мәскәү Патриархатының тышкы чиркәү элемтәләре бүлеге рәисе Антоний, шулай ук Казан һәм Татарстан митрополиты Кирилл катнашты.

Очрашуда Леонид Слуцкий партиянең Казан Богородица монастыре комплексын торгызуда ярдәм күрсәтү карары турында хәбәр итә.

Казан Богородица монастыреның Казан Изге Ана иконасы соборын торгызу 2021 елда тәмамланган иде. Хәзер Рөстәм Миңнеханов кушуы буенча монастырь комплексын алга таба торгызу буенча эш алып барыла, аерым алганда, проект-эзләү эшләре.

"Без Казанда Җәмигъ мәчете төзиячәкбез. Казан Богородица монастыреның тулы комплексы параллель рәвештә торгызылса, бу бик дөрес булачак», - дип ассызыклады Рөстәм Миңнеханов.

Леонид Слуцкий үз чиратында партиянең якын арада барлык кирәкле эшләрне башкарачагына ышандырды.

Казан һәм Татарстан митрополиты Марат Хөснуллинга һәм Рөстәм Миңнехановка күрсәткән ярдәме өчен рәхмәт белдерде, шулай ук Леонид Слуцкийга проектны гамәлгә ашырырга әзерлеге өчен рәхмәтен җиткерде.