Рөстәм Миңнеханов «Россия – Ислам дөньясы: KazanForum» XV халыкара икътисадый форумы кысаларында РФ Генераль прокуратурасының панель сессиясендә чыгыш ясады

Бүген Татарстан Республикасы Рәисе Рөстәм Миңнеханов «Россия – Ислам дөньясы: KazanForum» XV халыкара икътисадый форумы кысаларында Россия Генераль прокуратурасының панель сессиясендә чыгыш ясады. Чара «Казан Экспо» ХКҮ мәйданчыгында узды. Панель дискуссиясенең төп темасы - Икътисадый иминлек гарантияләре һәм ислам дөньясы белән бизнес-коммуникацияләрне киңәйтү шартларында янауларны туктату".

Панель дискуссиядә Россия Федерациясе Генераль прокуроры урынбасары Петр Городов, Согуд Гарәбстаны Корольлеге Генераль прокуроры урынбасары Нассер Хәссән Яхья Әдәви, Интеллектуаль милек буенча федераль хезмәт җитәкчесе Юрий Зубов һәм башкалар катнашты.

Дискуссиянең модераторы - Россия СЧМ МГИМО профессоры, Цифрлы икътисад һәм финанс инновацияләре үзәге директоры, «Забизнес.РФ» эшкуарлар мөрәҗәгатьләре белән эшләү өчен платформа КАБО генераль директоры Элина Сидоренко.

Модераторның сорауларына Россия Федерациясе Генераль прокуроры урынбасары Петр Городов җавап бирде.

Рөстәм Миңнеханов, үз чиратында, KazanForum кысаларында «Икътисадый иминлек гарантияләре һәм ислам дөньясы белән бизнес-коммуникацияләрне киңәйтү шартларында янауларны туктату» панель дискуссиясен үткәргәне өчен РФ Генераль прокуратурасына рәхмәт сүзләрен җиткерде. Минемчә, бу зур казаныш, диде ул.

Рөстәм Миңнеханов билгеләп үткәнчә, бүген без барыбыз да ислам дөньясының заманча глобаль һәм төбәк проблемаларын  хәл итүгә керткән өлешен күрәбез. "Россия - православие динен тотучы ил, әмма монда 20 миллионнан артык мөселман яши, - дип искәртте Рөстәм Миңнеханов. - Һәм Россия ИХОда күзәтүче ил булгач, безнең позицияләрне ислам дөньясы илләре белән якынайту идеясе барлыкка килде. Ислам туклануга, белем алуга, медицинага һәм гомумән хәләл яшәү рәвешенә кайбер таләпләр куя. KazanForum Россия мөселманнары өчен мәгълүмат алу, ислам банкингы, хәләл туклану хезмәтләре алу мөмкинлеге булсын өчен мәйданчык булудан башлана. Без шунда ук кара-каршы җавап алдык – ИХО илләреннән коллегаларыбыз безнең партнерлар булдылар, бигрәк тә хәләл туклану индустриясен, ислам банкинг хезмәт күрсәтүләрен һәм башкаларны үстерү өлкәсендә".

Рөстәм Миңнеханов шулай ук искә төшергәнчә, соңгы елларда «кайбер илләр безнең белән аралашмый башлады, әмма шул ук вакытта бүтән илләр безнең белән тагын да яхшырак аралаша башлады, һәм без барыбыз да моны күрдек. Мин моны бары тик ИХО илләре белән товар әйләнеше артуы мисалында гына әйтә алам".

Kazanforumга Россиянең башка төбәкләре, чит илләр, шул исәптән ИХО илләре тарафыннан кызыксыну да артты, дип билгеләп үтте ул.

Рөстәм Миңнеханов шулай ук искә төшергәнчә, Россия Президенты Владимир Путин карары белән «Россия – Ислам дөньясы: KazanForum» халыкара икътисадый форумы федераль статуска ия булды.

"Бүген безнең өчен бу мәйданчык - KazanForum - бик мөһим, һәм без нәтиҗәнең барлыгын күрәбез. Безнең янга күп кенә партнерларыбыз - моңарчы безнең белән эшләгәннәр дә, булачак партнерларыбыз  килә», - диде Рөстәм Миңнеханов.

РФ Генераль прокуратурасының панель дискуссиясе темасы турында сөйләгәндә, Рөстәм Миңнеханов билгеләп үткәнчә: «Һәр ил, әгәр ул үсеш алырга тели икән, инвестицияләр һәм инвесторлар, шул исәптән чит ил инвесторлары да булуын тели икән, системалы эш һәм законнарны үтәү мөһим. Ә законнарны нәкъ Генераль прокуратура контрольдә тота.

"Сез беләсез, инвестицияләр җәлеп итүнең мөһим критерийларының берсе - бизнеска административ басымны киметү, - диде Рөстәм Миңнеханов. - Күзәтчелек учреждениеләр булганда, бу басым башлана. Һәм бүген илдә зур үзгәрешләр яхшы якка бара дип әйтәсем килә. Моның өчен РФ Генераль прокуратурасына рәхмәт белдерәсем килә. Без эшкуарлар белән еш очрашабыз һәм күп мәсьәләләр турында сөйләшәбез. Әгәр элек күзәтчелек органнары килсә, эшкуар инде гаепле, үзен акларга мәҗбүр. Ә бүген бу эш бөтенләй башкача төзелгән!»

"Минем уйлавымча, бу панель дискуссия темасына һәр илнең зур тәҗрибәсе бар. Аралашу, бер-беребезне ишетү мөмкинлеге булу - бу бик файдалы, бу бик кирәкле һәм зур эш», - диде Татарстан.

Моннан тыш, Татарстан Рәисе фикеренчә, теләсә кайсы тармакны цифрлаштыру – ул һәрвакыт ачыклык, димәк, коррупция компоненты азрак.

Панель дискуссиясе модераторы сорауларына җавап биреп, Рөстәм Миңнеханов төбәктә цифрлы игезәкләрне булдыру буенча эшләрнең ничек баруы, кайбер тармакларны, шул исәптән сәнәгатьне цифрлаштыру, ясалма интеллект белән эшләү турында сөйләде.

"Хәзерге тормыш темпы бик күп мәгълүмат таләп итә дип саныйм. 20 ел элек цифрлаштыру процессын башлагач, барысы да бөтенләй башка иде. Бүген ярты сәгать эчендә син кирәкле барлык мәгълүматны таба аласың һәм бер-ике ай элек килештерелә торган мөһим карарларны кабул итә аласың»,-диде Рөстәм Миңнеханов.

Аның сүзләренчә, бүген бер генә тармакны да цифрлы технологияләрсез күз алдына китереп булмый. "Цифрлаштырусыз культураны яки медицинаны күз алдына китереп карагызз. Бу мөмкин түгел. Медицинаны 20 ел элек һәм бүгенгесе белән чагыштырыгыз. Дәүләт идарәсе, халыкның вакыйгаларга мөнәсәбәте - барысы да реаль вакыт режимында күзәтелә", - дип ассызыклады Татарстан Рәисе.

Модератор шулай ук Татарстанның җирле эшкуарларының маркетплейсларда эшләү тәҗрибәсе турында сорау бирде. "Монда, Татарстанда, кешеләрне маркетплейсларда ничек сәүдә итәргә өйрәтәләр", - диде ул. - Бу төбәк өчен зур тәҗрибә". 

Исегезгә төшерәбез, республикада электрон сәүдә инфраструктурасын үстерү һәм Татарстан эшкуарларының иң тиз үсә торган базар буларак маркетплейска чыгуы өчен уңай шартлар тудыру буенча эш алып барыла.

Рөстәм Миңнеханов сөйләвенчә, Татарстанда республика маркетинг үзәге эшли, аның базасында укыту үткәрелә. "Без атна саен статистиканы карыйбыз", - дип уртаклашты ул. - Бу безнең өчен мөһим". 2023 ел йомгаклары буенча маркетплейсларда Татарстан эшкуарлары саны 63 мең тәшкил иткән.