Рөстәм Миңнеханов Балык Бистәсе районында 150 башка исәпләнгән роботлаштырылган фермада булды

Бүген Татарстан Республикасы Рәисе Рөстәм Миңнеханов Рәиснең Балык Бистәсе районында 150 баш мөгезле эре терлеккә исәпләнгән роботлаштырылган фермада булды. 

Исегезгә төшерәбез, Рөстәм Миңнеханов Балык Бистәсе районына эш сәфәре кыла. Сәфәренең төп максаты - язгы кыр эшләренең барышы белән танышу, авыл хуҗалыгы предприятиеләренә бару.

150 баш сыерга исәпләнгән ферма роботлаштырылган сыер саву җайланмалары белән җиһазландырылган. Финанслау чыганакларының берсе - Татарстан Республикасы Авыл хуҗалыгы министрлыгы гранты. Аерым алганда, «КФХның терлекчелек биналарына керү юллары төзү» республика программасы кысаларында фермага юл салынган (якынча 1 км).

Хуҗалыкта 2 терлекчелек бинасы, ашлык саклау өчен ангар, машина-трактор паркы бар. Ферма территориясе тулысынча койма белән әйләндереп алынган.

Биредә район җитештерүчеләреннән авыл хуҗалыгы продукциясе күргәзмәсе оештырылган. Рөстәм Миңнеханов шулай ук Балык Бистәсе районы хуҗалыклары җитәкчеләре, инвесторлар һәм авыл җирлекләре башлыклары белән аралашты.

Балык Бистәсе районы башлыгы Радик Исламов чәчү эшләре барышы, районда язгы кыр эшләре ничек баруы турында сөйләде. Кыскача гына ул терлекчелек, терлек азыгы белән тәэмин итү өлкәсендәге вәзгыять турында сөйләде. Районның авыл хуҗалыгы җитештерүчеләре җирле авыл хуҗалыгы җитештерүчеләренә ярдәм итүгә юнәлдерелгән республика программаларында катнаша, диде ул.

Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык – төлек министры Марат Җәббаров республиканың авыл хуҗалыгы җитештерүчеләре өчен субсидияләр – шул исәптән терлекчелекне үстерү, авыл хуҗалыгы җитештерүчеләренә ярдәм итү һ.б. - республика бюджетыннан да, федераль бюджеттан да каралганлыгын искәртте.

Тулаем алганда, Балык Бистәсе районы буенча вәзгыять тотрыклы, уңай, дип билгеләп үтелде.