Татарстан Республикасында 1 млн 888 мең кв. метр торак файдалануга тапшырылган, план 60%ка үтәлгән

Татарстан Республикасында 2024 елның 11 маена файдалануга торак тапшыру планы 60%ка үтәлгән, 1 млн 888 мең кв.м. файдалануга тапшырылган. Бу хакта бүген Татарстан Республикасы Хөкүмәте Йортында узган киңәшмәдә Татарстан Республикасы төзелеш, архитектура һәм торак-коммуналь хуҗалык министры Марат Айзатуллин хәбәр итте.

Киңәшмәне видеоконференцэлемтә режимында барлык муниципаль берәмлекләр белән Татарстан Республикасы Рәисе Рөстәм Миңнеханов уздырды.

ТР Төзелеш министрлыгы башлыгы торак төзелеше программаларының тормышка ашырылуы, гражданнарның аерым категорияләрен торак белән тәэмин итү турында нотык сөйләде. Ул шулай ук тармакта җитештерүдәге имгәнүләр статистикасын һәм хезмәтне саклау чараларын хәбәр итте. Мәсәлән, ел башыннан үзлегеннән җайга салынучы оешмалар 973 тикшерү үткәргән, 297 очракта төзелеш оешмаларына дисциплинар йогынты чаралары кулланылган.

Дәүләт төзелеш күзәтчелеге инспекциясе белгечләре төзелеш мәйданчыкларына 437 тапкыр чыккан. Тикшерү нәтиҗәләре буенча административ җаваплылык турында 42 карар чыгарылган.

Баш инвестиция-төзелеш идарәсе ел башыннан 135 тикшерү үткәргән.

Контроль-күзәтчелек органнары хезмәтне саклау өлкәсендәге законнарның, шулай ук санитар-эпидемиологик ике айлык кысаларында санитар нормаларның үтәлешен тикшерә. 1 апрельдән Дәүләт төзелеш күзәтчелеге инспекциясе 61 хокук бозуны ачыклаган. Административ җаваплылыкка 18 юридик һәм 19 вазыйфаи зат җәлеп ителгән.

Аннары Марат Айзатуллин торак төзелеше программалары турында җентекләп сөйләде. 11 майга файдалануга торак тапшыру планы 60%ка үтәлгән, 1 млн 888 мең кв.м. тапшырылган. Коммерциячел төзелеш линиясе буенча планлаштырылган күләмнең 24%ы тапшырылган: бу 349 мең кв. м. мәйданлы 67 күп фатирлы йорт. Социаль ипотека өлешендә еллык план 53%ка үтәлгән. Быел төзелергә тиешле 56 йортның 85 мең кв. м мәйданлы 24 йорты тапшырылган. Бүгенге көндә шәхси торак төзелеше буенча 1 млн 453 мең кв. м мәйданлы 10 мең 769 йорт тапшырылган, бу еллык планның 96%ын тәшкил итә.

Республикада аерым категория гражданнарны торак белән тәэмин итү дәвам итә. Ятим балаларны торак белән тәэмин итү программасы буенча бүген федераль бюджеттан финанслау хисабына 39 торак урын сатып алу буенча дәүләт контракты төзелгән.

Быелгы программага кертелгән яшь гаиләләр торак базарында фатирлар сайлауны дәвам итәләр.

5 һәм аннан да күбрәк баласы булган күп балалы гаиләләр буенча хәзерге вакытта муниципаль берәмлекләр дәүләт торак фонды базасына торак алучыларның исәп-хисап эшләрен йөкләү һәм торак биналар сайлау буенча эш алып баралар.

Мәҗбүри күченүчеләр, Ерак Төньяктан күченүчеләр һәм чернобыльчеләр категориясендә бүгенге көндә 5 алучыдан 2 гаилә тиешле торак сатып алган. 

Марат Айзатуллин социаль объектлар, инженерлык инфраструктурасы төзү буенча республика һәм федераль программаларны гамәлгә ашыру турында сөйләде. Мәсәлән, мәгариф тармагында 11 мәктәп һәм янкорма төзелә (башкару 31% тәшкил итә). 10 балалар бакчасы буенча төзелеш-монтаж эшләре 23 процентка башкарылган.

Сәламәтлек саклау өлкәсендә хәл түбәндәгечә. Фельдшер-акушерлык пунктларын төзү буенча эшләр 39% тәшкил итә. Башка медицина учреждениеләре буенча төзелеш-монтаж эшләре 42%ка җиткән.

Спорт тармагында 4 футбол манежы төзелеше дәвам итә (эшләрне башкару 6 процент тәшкил итә). 15 универсаль мәйданчыкның 4се төзелә башлаган. Программаның тагын 11 объектына май ахырына кадәр керешәчәкләр.

«Авыл территорияләрен комплекслы үстерү» дәүләт программасы кысаларында Кукмара шәһәрендә чаңгы-роллер трассасы һәм Апас шәһәр тибындагы бистәсендә футбол кырының административ бинасы төзелә башлаган.  Эшләр 5 процент тәшкил итә.

Яшьләр сәясәте тармагында барлык 7 объект буенча да эшләр алып барыла. Мәсәлән, 6 балалар лагерен төзү буенча эшләр 17% тәшкил итә (республика программасына керә). Балык Бистәсе шәһәр тибындагы бистәсендә яшьләр үзәген төзү буенча күләм 12%ка үтәлгән (федераль программага керә).

Мәдәният тармагында өч объект буенча да эшләр бара (башкару 17%).

Экология тармагында биологик чистарту корылмаларын реконструкцияләү (80 процент үтәлгән), ләм кырларын рекультивацияләү (67 процент үтәлгән); Саба районының Шәмәрдән авылында нефтьле пычранулар белән бозылган җирләрне рекультивацияләү (79 процент үтәлгән) буенча эшләр дәвам итә.

Ике республика программасы кысаларында башкарма комитетлар һәм халыкка комплекслы хезмәт күрсәтү пунктлары төзелә. 7 Башкарма комитет биналарының әзерлеге - 33%. Комплекслы хезмәт күрсәтү пунктлары буенча эшләр 40%ка башкарылган.

Халыкны эчәр су белән тәэмин итү программасы буенча 20 райондагы 30 объектта эшләр алып барыла.

Шулай ук «Авыл территорияләренең заманча кыяфәте» программасы буенча эшләр дәвам итә (7% үтәлеш).