ТР Төзелеш министрлыгы: Капиталь ремонт эшләре 465 күп фатирлы йортта башланды

Бүген Татарстан Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министрының беренче урынбасары Алексей Фролов социаль-мәдәни өлкә объектларын һәм күп фатирлы йортларны капиталь ремонтлау эшләренең торышы турында хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин үткәрде. Эштә ТР Дәүләт Советы Рәисе Фәрит Мөхәммәтшин катнашты.

«Мәгариф» тармагында 7 федераль һәм республика программасына кертелгән 185 объектның 16сы (гомуми үтәлеше 38% тәшкил итә) һәм 34 мәктәп һәм белем бирү үзәге (үтәлеше 19% дип бәяләнә) ремонтлана. Шулай ук мәктәп азык-төлек блокларын ремонтлау буенча да зур күләм эшләр планлаштырылган. Хәзерге вакытта 11 объект ремонтлана. Программаның гомуми үтәлеше 2% тәшкил итә. 4 ресурс үзәге - 31%ка, ә 13 ятагы 26% ка ремонтланган.

«Сәламәтлек саклау» тармагында 137 объекттан 2 стационарны май һәм июнь айларында торгларга чыгарырга кала. Капиталь ремонт эшләренә килгәндә - 52% фельдшер-акушерлык пункты буенча программа үтәлгән. Бу атнада подрядчылар Кайбыч һәм Баулы районнарындагы объектларны тапшырганнар. Пландагы эш күләменең 34%ы поликлиникаларны ремонтлау буенча тәмам. Стационарларны ремонтлау буенча программаның үтәлеше 28% тәшкил итә.

«Мәдәният» тармагында 24 объектның 15е контрактка кертелгән. 9 авыл мәдәният йорты контрактлар төзүне көтә. Хәзерге вакытта программага кертелгән барлык 5 балалар сәнгать мәктәбе ремонтлана, анда башкару 45% һәм 9 мәдәният учреждениесе буенча - 28%.

Яшьләр сәясәте буенча 28 объекттан июнь аенда 8 объект буенча контрактлар төзисе кала: 3 яшьләр үзәге, 3 психологик-педагогик ярдәм үзәге, бер лагерь һәм бер яшүсмерләр клубы. Инде торгларга алынган объектлардан подрядчылар эшендә 8 балалар лагере бар. Программаның барышын бәяләгәндә, 13% үтәлеш. Яшүсмерләр клубларын ремонтлау программасы 23%ка үтәлгән. Подрядчылар 4 объектта эш алып бара. Яшьләр үзәкләре буенча эшләр 10%ка башкарылган. Шулай ук агымдагы атнада Васильево штб дә психологик-педагогик ярдәм үзәгендә эшләр башланган. Аның буенча башкару 4 процент тәшкил итә.

Гидротехник корылмаларны ремонтлау, елгалар үзәннәрен чистарту һәм «Экология» өлкәсендә гамәлгә ашырыла торган күлләрне чистарту буенча ике программага 21 объект кертелгән. Бүгенге көндә подрядчыларда 12 объекты эшләнә. Гомуми башкару 36% тәшкил итә. 3 объектта эшләр тәмамланган, шуларның икесе бу атнада - Зеленодольск районында.

Урман хуҗалыгы министрлыгы, Хезмәт министрлыгы һәм Спорт министрлыгы белән берлектә бер капиталь ремонт программасы буенча гамәлгә ашырыла. Контрактларны июнь аенда 4 спорт учреждениесе буенча гына төзисе кала. Торглар башкарылган объектлардан халыкка социаль хезмәт күрсәтүнең 20 оешмасы буенча эшләр алып барыла. Программаны үтәү 43 процент тәшкил итә. Соңгы 2 атнада Алабуга районында һәм Казанда объектлар төзелеп беткән.

6 урманчылык бинасын ремонтлау буенча программада каралган эшләрнең 46 проценты тәмам. Соңгы 2 атнада Әгерҗе шәһәрендәге объектта эшләр тәмамланган.

Авыл хуҗалыгы һәм азык-төлек министрлыгы биналарын ремонтлау буенча программа 68%ка үтәлгән. Бу атнада Әгерҗе, Азнакай һәм Олы Кайбыч авылларында 3 объект буенча эшләр тәмамланган.

Спорт объектларын ремонтлау программасының үтәлеше 13% тәшкил итә. Эшләр 10 учреждениедә алып барыла.

5 башка республика программасы кысаларында барлык 34 объект буенча контрактлар төзелгән. Шуларның 10 башкарма комитетлар биналары буенча эш башкару - 72 процентка, 16 хәрби комиссариат буенча 37 процентка җиткән. Икешәр бина капиталь ремонтның түбәндәге программаларына керә: муниципаль архивлар буенча - 15%, җәмәгать судьялары биналары буенча - 20% һәм Росгвардия ведомствосы карамагындагы биналар буенча - 13%.

Күп фатирлы йортларны капиталь ремонтлау программасы буенча эш дәвам итә, аңа 763 торак объект керә. Бүгенге көндә 653 йортка подрядчылар билгеләнгән. Торглар башкарылган объектлар буенча эшләр 37 муниципаль берәмлектә 465 күп фатирлы йортта башланган. Төзелеш-монтаж эшләре үтәлеше-  21%, сезонлы эш төрләре 14% тәшкил итә.