Татарстанда 27 апрельгә 1 млн 882 мең кв. метр торак файдалануга тапшырылган, ягъни планның 60%ы

Бүген Татарстан Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин торак төзелеше, гражданнарны торак белән тәэмин итү программалары буенча эшләрнең агымдагы торышы, шулай ук социаль-мәдәни өлкә объектларын төзү турында хәбәр итте.

Киңәшмәне Татарстан Республикасы Рәисе Рөстәм Миңнеханов барлык муниципаль районнар белән видеоконференцэлемтә режимында уздырды. Киңәшмәдә ТР Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин катнашты.

Марат Айзатуллин төзелеш мәйданчыкларында хезмәтне саклау чаралары турында хәбәр итте. Мәсәлән, ел башыннан үзлегеннән җайга салынучы оешмалар 935 тикшерү үткәргән, алар нәтиҗәләре буенча 297 очракта төзелеш оешмаларына дисциплинар йогынты чаралары кулланылган. Дәүләт төзелеш күзәтчелеге инспекциясе белгечләре төзелеш мәйданчыкларына 406 тапкыр чыккан. Тикшерү нәтиҗәләре буенча административ җаваплылык турында 35 карар чыгарылган.

Баш инвестиция-төзелеш идарәсе ел башыннан 133 тикшерү үткәргән.

ТР Төзелеш министрлыгы башлыгы хәбәр иткәнчә, контроль-күзәтчелек органнары хезмәтне саклау өлкәсендәге законнарның гына түгел, санитар - эпидемиологик ике айлык кысаларында санитар нормаларның да үтәлешен тикшерә. 1 апрельдән Дәүләт төзелеш күзәтчелеге инспекциясе 38 хокук бозуны ачыклаган, 49 беркетмә төзелгән.

Республикада 27 апрельгә 1 млн 882 мең кв. метр торак файдалануга тапшырылган, план 60%ка үтәлгән.

Коммерциячел төзелеш линиясе буенча планлаштырылган күләмнең 23 проценты тапшырылган: бу 343,5 мең кв. метр мәйданлы 65 күп фатирлы йорт. социаль ипотека өлешендә еллык план 53 процентка үтәлгән. Быел төзелергә тиешле 56 йортның 24е тапшырылган. Аларның гомуми мәйданы – 85 мең кв. м. шәхси торак төзелеше линиясе буенча бүгенге көндә 1 млн 453 мең кв. метр мәйданлы 10 769 йорт тапшырылган, бу еллык планның 96%ын тәшкил итә.

Марат Айзатуллин аерым категория гражданнарны торак белән тәэмин итү турында хәбәр итте. Мәсәлән, ятим балалар буенча федераль бюджеттан финанслау хисабына 39 торак бина сатып алу буенча дәүләт контракты төзелгән. 84 яшь гаилә буенча хәл түбәндәгечә: аларга таныклыклар тапшырылган, муниципаль берәмлекләр башкарма комитетларының шәхси счетларына акча күчерү әзерләнә.

«5 һәм аннан да күбрәк балалы күп балалы гаиләләр» категориясе буенча барлык 28 сертификат та рәсмиләштерелгән. Шулай итеп, быелга каралган бюджет акчалары лимитлары тулысынча бүленгән.

Мәҗбүри күченүчеләр, Ерак Төньяктан күченүчеләр һәм чернобыльчеләр категориясендә 5 алучыдан 2 гаилә тиешле торак сатып алган. 

ТР Төзелеш министрлыгы башлыгы төбәктә социаль объектлар, инженерлык инфраструктурасы төзелеше буенча республика һәм федераль программаларның тормышка ашырылуы турында сөйләде.

Мәгариф тармагында 11 мәктәп һәм янкорма төзелә (башкару 24%). Шулай ук 10 балалар бакчасы төзелә (төзелеш-монтаж эшләре 16 процентка башкарылган).

Сәламәтлек саклау тармагында 53 яңа объект төзеләчәк. Бу 48 фельдшер-акушерлык пункты, 41 ФАП буенча эшләр алып барыла (34% үтәлү). Башка медицина учреждениеләре буенча төзелеш-монтаж эшләре 39%ка җиткән. Эшләр биш объектның 3сендә алып барыла.

Спорт тармагында 21 объект, подрядчылар барлык 4 футбол манежы һәм бер универсаль спорт мәйданчыгы буенча эшкә керешткәннәр (3,5% үтәү). Хәзерге футбол кырының административ бинасы буенча эшләр Апас штп 4 процентка үтәлгән.

Яшьләр сәясәте тармагында барлык 7 объект буенча да эшләр алып барыла. Республика программасы кысаларында 6 балалар лагерен төзү буенча эшләр 10% тәшкил итә. Моннан тыш, Балык Бистәсе штп 9%ка яшьләр үзәге төзелеш үтәлгән (федераль проектка керә).

Подрядчыларда мәдәният тармагының өч объекты да эшләнә. Гомуми күләмнең 14 проценты башкарылган.

Экология тармагы объектлары буенча биологик чистарту корылмаларын реконструкцияләү (79%ы үтәлгән), ләим басуларын рекультивацияләү (66%) һәм Саба районының Шәмәрдән авылында нефтьле пычранулар белән бозылган җирләрне рекультивацияләү (77%) буенча эшләр алып барыла.

Агымдагы елда республикада 64 җәмәгать киңлеге төзекләндереләчәк. Эшләр 10 объектта алып барыла.

Марат Айзатуллин искәрткәнчә, җәмәгать урыннарын сайлау буенча бөтенроссия онлайн-тавыш бирү тәмамланырга тагын 4 көн кала. Мониторинг мәгълүматлары буенча, тавыш бирүдә республиканың 413 мең 210 кешесе катнашкан. Исегезгә төшерәбез, 2025 елда төзекләндереләчәк объектлар сайлана.

Өмәләр, территорияләрне чистарту, халык тарафыннан йорт хуҗалыклары территорияләрен җыештыру буенча санитар-экологик ике айлыклар уздыруга бәйле рәвештә, контейнер мәйданчыкларында да, алар янында да чүп-чар күләме шактый арткан. Марат Айзатуллин хәбәр иткәнчә, төбәк операторларына, санитар-эпидемиологик таләпләргә туры китереп, контейнер мәйданчыкларыннан ККК чыгаруны вакытында тәэмин итәргә кирәк.

Әгәр чүплек контейнер мәйданчыгында чыгаруның билгеләнгән вакыты бозылу сәбәпле барлыкка килсә, контейнер мәйданчыгы территориясен чистартырга һәм барлык калдыкларны чыгарырга кирәк, дип белдерде ул. Соңгы ике атнада халыктан бик күп шикаятьләр килгән, диде министр, нигездә, төбәк операторлары чүп-чарны вакытлыча чыгаруны үтәми, ә җирле үзидарә органнары контейнер мәйданчыкларын һәм алар тирәсендәге территорияләрне җыештыруны тәэмин итми дигән шикаятьләр.