Рөстәм Миңнеханов һәм Минтимер Шәймиев Казанда Габдулла Тукай һәйкәленә чәчәкләр салды

Бүген иртән Татарстан Республикасы Рәисе Рөстәм Миңнеханов һәм Татарстан Дәүләт Киңәшчесе Минтимер Шәймиев Казанда бөек татар шагыйре Габдулла Тукай һәйкәле итәгенә чәчәкләр салдылар.

Чара Габдулла Тукайның туган көненә багышланды (булачак шагыйрь 138 ел элек, 1886 елның 26 апрелендә туган).

Габдулла Тукай татар вакытлы газеталары һәм журналларын оештыруда башлап йөри, әсәрләренә иллюстрацияләр керткән беренче мөселман шагыйрьләрнең берсе була, ул уку әсбаплары чыгаруда катнаша, алар хәзер дә укытучылар һәм тикшеренүчеләр тарафыннан кулланыла. Шулай ук Тукай күп санлы рус һәм чит ил классикларының әсәрләрен татар теленә тәрҗемә итә.

Бүген аның һәйкәленә татар әдәбияты классигы истәлеген хөрмәтләргә дип әдәби җәмәгатьчелек вәкилләре, Татарстан Республикасының Г.Тукай ис. дәүләт бүләкләре лауреатлары, театр-тамаша учреждениеләре вәкилләре, Казан мәктәпләре һәм югары уку йортлары педагоглары җыелдылар.

Бүген иртән Татарстан Рәисе сайтында Тукайның туган көне уңаеннан Рөстәм Миңнеханов исеменнән мөрәҗәгать басылып чыкты, анда болай диелә: «… Нәкъ менә Габдулла Тукай әсәрләрендә туган телнең туганнарның рухи җылысын, рухи матурлыкны һәм мәдәни байлыкны саклаучы, күп буыннар җепләрен бәйләүче туган телнең роле ачык итеп күрсәтелгән».

Бу көнне Казанда Г. Тукай һәйкәле янында Театр урамында традицион Шигърият бәйрәме, гала-концерт һәм "Мин татарча сөйләшәм!" гамәленә йогак ясалачак - концерт беренче тапкыр Казан Кремле территориясендә, Гавами урыннары бинасы ишегалдында, Тукайга һәм аның иҗатына багышланган «Печән базарында» милли театр-цирк спектакленең премьерасы булачак.