Татарстан Рәисе Термез шәһәрендәге "Айритом" ирекле сәүдә зонасында булды

Татарстан Рәисе Рөстәм Миңнеханов Сурхандәрья өлкәсе Хәкиме Олугбәк Косимов белән бергә Термезда (Үзбәкстан) «Айритом» ирекле сәүдә зонасында булды.

260 мең квадрат метр мәйданлы объектта 3 мең кибет өчен сәүдә комплексы, җитештерү һәм склад биналарын, логистика үзәге урнашкан.

Рөстәм Миңнехановка ирекле сәүдә зонасы концепциясе турында сөйләделәр. Аерым алганда, проектның өстенлеге - чит ил валютасында түләүләр кабул итү, өстәмә салым ташламалары, эшкуарларны таможня пошлинасыннан азат итү, 10 көнлек визасыз режим.