Рөстәм Миңнеханов «Группа ГМС» АҖ президенты Артем Молчанов белән очрашты

Татарстан Рәисе Рөстәм Миңнеханов «Группа ГМС» АҖ президенты Артем Молчанов белән очрашты. Очрашу ТР Хөкүмәте Йортында узды.

Әңгәмәдәшләр «Казанькомпрессормаш» АҖнең 2023 елдагы эш нәтиҗәләре һәм агымдагы елга бурычлары, предприятиене модернизацияләүнең инвестицион программасын алга таба гамәлгә ашыру турында фикер алыштылар. Очрашуда шулай ук В.Б. Шнепп исемендәге "НИИтурбокомпрессор" АҖнең агымдагы проектлары һәм перспективалары да каралды.

"Группа ГМС" АҖ - үсештәге эре күп профильле холдинг, сәнәгатьнең төрле тармаклары өчен насос, компрессор һәм блок-модуль җиһазларын эшләү һәм җитештерү өлкәсендә фәнни-җитештерү потенциалына ия: нефть-газ тармагы, торба үткәргеч транспорты, атом һәм җылылык энергетикасы, су хуҗалыгы һәм торак-коммуналь хуҗалык. 2012 елдан машина төзелеше холдингы структурасына Татарстанның «Казанькомпрессормаш» заводы керә, ә 2013 елдан В.Б. Шнепп исемендәге "НИИтурбокомпрессор" да керә.

"Казанкомпрессормаш" АҖ һәм  В.Б. Шнепп исемендәге" АҖ - сәнәгатьнең төрле тармаклары өчен компрессорлар, компрессор җайланмалары, газ өстерәү һәм турбодетандер агрегатлары эшләүдә һәм җитештерүдә танылган лидерлар. Предприятиенең фәнни-җитештерү интеграциясе фәнни-тикшеренү һәм проект үзәге белән комплекслы карарларны тормышка ашырырга һәм теләсә нинди катлаулылык һәм комплектлау дәрәҗәсендәге компрессор җиһазларын илтеп җиткерергә мөмкинлек бирә.