Татарстан Рәисе: Казан вертолетлар заводы - статуслы предприятие

Татарстан Рәисе Рөстәм Миңнеханов Казан вертолетлар заводы коллективы белән очрашты. Очрашу биш яңа Ми-8МТВ-1 вертолетын эксплуатацияләүче оешмаларга тапшыру тантанасы алдыннан узды.

Рөстәм Миңнеханов ассызыклаганча, Казан вертолетлар заводы - илнең иң эре авиатөзелеш предприятиеләренең берсе һәм Татарстанның төп визит карточкаларының берсе. Ул монда вертолетлар төзүнең тулы циклы тормышка ашырылуын билгеләп үтте: эшләнүдән һәм серияле чыгарудан алып сатудан һәм персоналны озата баруга һәм укытуга кадәр.

"Безнең өчен Казан вертолетлар заводы – ил масштабындагы бурычларны хәл итә торган статуслы предприятие. Сезнең вертолетлар бик кирәк. Якындагы берничә елга гражданлык заказларының ныклы портфеле формалаштырылган», - дип ассызыклады ТР Рәисе.

Ул билгеләп үткәнчә, федераль ярдәм белән заводта җитештерүне модернизацияләү һәм киңәйтү буенча колачлы проект гамәлгә ашырыла. "Яшьләрне җәлеп итү буенча алга таба да эшләргә кирәк. Заводта эшләүчеләр өчен уңайлы хезмәт шартлары булдырылган. Лаеклы хезмәт хакы түләнә», - диде Татарстан Рәисе.

Рөстәм Миңнеханов Казан вертолетлар заводы коллективына намуслы хезмәтләре һәм ил үсешенә лаеклы өлеш керткәннәре өчен рәхмәт белдерде.