Владимир Путин Казанга визиты барышында Ту-160М стратегик ракетоносецта очыш ясады

Казанга эш сәфәре кысаларында Россия Федерациясе Президенты Владимир Путин Ту-160М стратегик ракетоносецта очыш ясады.

Кичә дәүләт Башлыгы Татарстан Рәисе Рөстәм Миңнеханов белән бергә Казан авиация заводында булган иде, предприятиене модернизацияләү барышы белән танышты һәм Ту-160М ракетоносецларның берсенә утырды.

Ту-160 хәрби авиация тарихында канат геометриясе үзгәртелә торган иң зур тавыш тизлегеннән тизрәк очучы самолет, шулай ук дөньяда иң көчле хәрби самолетларның берсе булып тора.