Татарстанның алдынгы инженерлык мәктәпләре 2024 елда үсеш өчен 1,5 млрд сумга якын акча алачак

Россия Президенты Владимир Путин алдынгы инженерлык мәктәпләрен булдыру проектын 2030 елга кадәр озайтуны хуплады, дип хәбәр итте Хөкүмәт рәисе урынбасары Дмитрий Чернышенко. 2026 елга кадәр финанслауның гомуми күләме 60 млрд сум тирәсе тәшкил итәчәк. Шулай ук яңа уку елыннан эшли башлаячак тагын 20 шундый мәктәп сайлап алынды. Шулай итеп, алдынгы инженерлык мәктәпләренең бөтен системасы Россиянең 23 төбәгендә 50 югары уку йортын үз эченә алачак.

Дәүләт тарафыннан финанслау да арта, быел беренче дулкын мәктәпләренә 12,6 млрд бүлеп бирелгән – узган ел белән чагыштырганда 2,5 млрд.ка күбрәк.

Мәсәлән, республика мәктәпләреннән Казан (Идел буе) федераль университетының АИМ кергән беренче төркемдәге һәр алдынгы инженерлык мәктәбенә 2024 елга 634,5 млн сум бүлеп бирелгән, ә 2023 елда дүрт инженерлык мәктәбенә 514 млн сум бүлеп бирелгән.

Икенче төркемдәге алдынгы инженерлык мәктәпләренә, Иннополис Университеты АИМ һәм Казан милли тикшеренү технология университеты АИМ керә, 427,7 млн сум бүлеп бирелгән (узган елда 348,2 млн сум бүлеп бирелгән).

"Республика югары уку йортлары базасында төзелгән алдынгы инженерлык мәктәпләренең күрсәткечләре шаккаттыргыч. Иннополис Университетының АИМ базасында гына да 2023 елда өстәмә һөнәри белем бирү программалары буенча 1,6 меңнән артык кеше укытылган, ә югары белем бирү программаларына 235 студент җыелган. Алдынгы инженерлык мәктәпләрен төзү проекты дәвам итүе сөендерә», – дип билгеләп үтте Татарстан Республикасы Премьер-министры урынбасары Роман Шәйхетдинов.