Рөстәм Миңнеханов республиканың медицина учреждениеләренә автомобиль транспорты сертификатлары тапшырды

Бүген Татарстан Республикасы Рәисе Рөстәм Миңнеханов республиканың медицина учреждениеләренә яңа автомобильләр тапшыру тантанасында катнашты.

Бүләкләү «Казан Экспо» ХКҮ каршындагы мәйданчыкта узды. Исегезгә төшерәбез, бүген биредә ТР Сәламәтлек саклау министрлыгының йомгаклау киң вәкиллекле утырышы уза.

Рөстәм Миңнеханов Татарстан сәламәтлек саклау министрына автомобиль транспорты сертификатлары тапшырды. Мәсәлән, 24 автомобиль тапшырылган бу - 22 ашыгыч медицина ярдәме автомобиле (Атлант - 6 берәмлек, Некст ГАЗеле - 14 берәмлек һәм УАЗ - 2 берәмлек) һәм 2 мобиль комплекс ("Газель Некст" һәм "ПАЗ" маркалы микроавтобус).

Рөстәм Миңнеханов ассызыклаганча, медицина һәм гражданнарның тормыш сыйфаты бер-берсе белән тыгыз бәйләнгән. "Медицина ярдәме, югары технологияле медицина ярдәме - гражданнарыбызның тормыш сыйфатын яхшыртырга мөмкинлек бирә торган чаралар комплексы. Медицина учреждениеләренең матди-техник базасын яхшырту, яңа автомобильләр - оператив рәвештә хәрәкәт итү, карарлар кабул итү, үз вакытында медицина ярдәме күрсәтү мөмкинлеге. Монда 24 берәмлек медицина техникасы бар. Бер өлеше федераль ярдәм хисабына сатып алынган, бер өлеше республика хисабына бара. Шуны искәртәсем килә, безнең дәүләт башлыгы Владимир Путин сәламәтлек саклауны үстерүгә, медицина учреждениеләренә ярдәм итүгә зур игътибар бирә. Татарстан барлык федераль проектларда катнаша һәм Россия Сәламәтлек саклау министрлыгы тарафыннан зур ярдәм ала. Бу финанс компоненты гына түгел, ә интеллектуаль, мәгариф һәм башка ярдәм формалары. Хәерле юл!  Бу транспорт республикабызның сәламәтлеге файдасына эшләсен», - диде Татарстан Рәисе.

Россия Федерациясе Сәламәтлек саклау министры ярдәмчесе Оксана Гусева билгеләп үткәнчә, «бу тантанада катнашу бик күңелле, чөнки ашыгыч ярдәм машиналарын тапшыру – табибларга "икенче йорт" тапшыру дигән сүз. Күпчелек вакытны сез безнең гражданнарның гомерләрен саклап, эштә үткәрәсез. Авыр эшегез өчен сезгә баш иеп, сезгә игелекләр телим! Яңа машиналар сезнең өчен уңайлы, җайлы булсын һәм проблемаларыгыз да азрак булсын».

Белешмә өчен:

Хәзерге вакытта Татарстан Республикасының ашыгыч медицина ярдәме хезмәте 436 берәмлек санитар транспорт белән җиһазландырылган.

«Сәламәтлек саклау» илкүләм проектының беренчел сәламәтлек саклау звеносын модернизацияләү федераль программасын гамәлгә ашыру кысаларында 2021 елдан 2023 елга кадәр беренчел медицина ярдәме күрсәтү өчен 526 автомобиль сатып алынган.

24 автомобиль Татарстан Республикасының 19 медицина оешмасына тапшырылачак.