Рөстәм Миңнеханов Цифрлы үсешкә ярдәм итү ассоциациясе утырышында катнашты

Бүген Татарстан Республикасы Рәисе Рөстәм Миңнеханов Цифрлы үсешкә ярдәм итү ассоциациясе утырышында катнашты. Чара Казанда «Татэнергосбыт» АҖ мәйданчыгында узды.

Утырыш башланганчы «Татэнергосбыт» АҖ эшенә багышланган махсуслаштырылган күргәзмә каралды, юридик затлар белән эшне оештыру һәм күп фатирлы йортларда электр энергиясен исәпкә алуның интеллектуаль системасын кертү, Татарстан Республикасы электр челтәре комплексында мәгълүматларны анализлау технологиясен куллану, торак-коммуналь хезмәтләрнең биллинг системасын үстерү кебек мәсьәләләр «Коммуналь түләүләр» республика халкы мәнфәгатьләрендә, «ПЖКХ «ИК» ҖЧҖ һәм «Татэнергосбыт» АҖнең үзара хезмәттәшлеге һәм башкалар тикшерелде .

Исегезгә төшерәбез, Цифрлы үсешкә ярдәм итү ассоциациясенең бүгенге утырышы агымдагы елда беренчесе булды.

Рөстәм Миңнеханов, чарада катнашучылар алдында чыгыш ясаганда, «Татэнергосбыт»ның республикада 2009 елдан бирле эшләвен һәм электр энергиясе һәм торак-коммуналь хуҗалык хезмәтләре җитештерүчеләре һәм кулланучылары арасында элемтә чылбыры булуын искәртте. Предприятие заманча электрон сервислар шәхси кабинет, мобиль кушымтаны гамәлгә кертә.

«Татэнергосбыт" базасында Бердәм исәп-хисап үзәге булдыру клиентлар өчен сервис дәрәҗәсен күтәрергә һәм түләүләрнең ачыклыгын һәм җыелучанлыгын югары дәрәҗәдә тәэмин итәргә, исәпләүләрнең закон таләпләренә туры килүен гарантияләргә мөмкинлек бирде, диде Рөстәм Миңнеханов.

"Татарстанда ТКУ өчен түләүләр җыю дәрәҗәсе 99%тан артып китә. Күп очракта бу нәтиҗә Бердәм исәп-хисап үзәгенең республиканың торак фондының 82%ына хезмәткүрсәтүгә бәйле, - диде Рөстәм Миңнеханов. - Шул ук вакытта муниципалитетларда БИҮ белән исәп-хисапка күчү буенча резервлар бар».

Рөстәм Миңнеханов муниципаль район башлыкларына, ТР Төзелеш, архитектура һәм торак-коммуналь хуҗалык министрлыгы, Торак инспекциясе белән берлектә, бу юнәлештә эшне көчәйтергә кушты.

Татарстан Республикасы Фәннәр академиясе президенты, Цифрлы үсешкә ярдәм итү ассоциациясе Советы рәисе Рифкать Миңнеханов та кереш сүз белән мөрәҗәгать итте.

Аннары «Татэнергосбыт" АҖ тарафыннан электр энергетикасында һәм ТКХда финанс агымнары дисциплинасын тәэмин итү, "Татарстан Республикасында генетик мәгълүматларның цифрлы платформасын булдыру концепциясе", "Цифрлы Казан" темасына нотыклар тыңланылды.