ТР Хөкүмәте Йортында Яңа ел каникулларында халыкның комплекслы иминлеген һәм ТКХның өзлексез эшләвен тәэмин итү буенча брифинг узды

ТР Хөкүмәте Йортында Яңа ел каникулларында халыкның комплекслы иминлеген һәм ТКХның өзлексез эшләвен тәэмин итү буенча брифинг узды.

ТР транспорт һәм юллар хуҗалыгы министры Фәрит Хәнифов билгеләп үткәнчә, бүгенге көндә 12 мең километр төбәк юллары һәм 1200 километр федераль юллар контрольдә тотыла. "Бөтен эш күләме бүленгән. Бүген 1136 берәмлек техника кар җыюны һәм юлларда тәртипне тәэмин итә», – дип сөйләде ул.

Юллар хезмәте яңа М12 трассасында да булдырылды, анда 34 берәмлек техника эшли.

"57 базада кирәкле күләмдә техника, ком-тоз катышмасы оештырылган, барысы да йөз процентка комплектланган. Моның якынча 20%ы инде файдаланылган һәм эштә», - дип өстәде министрлык башлыгы.

Татарстанда тәүлек әйләнәсе 80 метеостанция эшли, алар һава шартларына оператив рәвештә җавап бирергә мөмкинлек бирә.

"Бездә автоматлаштырылган юл хәрәкәте мәгълүмати идарә системасы эшли, аңа балаларыбызны йөртү өчен лицензиясе яки рөхсәте булган барлык 2410 автобус тоташтырылган. Моннан тыш, безнең муниципалитетлар пассажирлар йөртүчеләрне чакыра ала, чит төбәкләрнең билгеле бер рөхсәтләре бар - Самара, Башкортостан. Безнең барлык автобуслар ГЛОНАСС 112 системасына, ә башка төбәкләрдән автобуслар ЭРА-ГЛОНАССКА тоташтырылган", - дип сөйләде ул.

Ахырда спикер диспетчерлык хезмәтенең (843) 291-91-91 телефонын искә төшерде, аның белән элемтәдә барлык министрлыклар һәм ашыгыч хезмәтләр.

ТР төзелеш, архитектура һәм торак-коммуналь хуҗалык министрының беренче урынбасары Алексей Фролов ассызыклаганча, гадәттәгечә Яңа ел бәйрәмнәре алдыннан торак-коммуналь хезмәтләрнең барлык ресурслары тикшерелгән. Җаваплы затлар билгеләнде, барлык телефоннар тикшерелде, диде министрның беренче урынбасары.

Алексей Фролов шулай ук республикада электр энергиясе һәм җылылык белән өзлексез һәм имин тәэмин итү өчен кирәкле барлык нәрсәләр барлыгын билгеләп үтте.

Татарстан Республикасының янгын күзәтчелеге буенча баш дәүләт инспекторы Максим Трущин хәбәр иткәнчә, ел башыннан Татарстанда 4821 янгын булган, янгында 134 кеше һәлак булган һәм тагын 199 кеше җәрәхәтләнгән. "Ел саен янгыннарга бәйле хәл Яңа ел бәйрәмнәрендә катлаулана, шул ук вакытта кешеләрнең үлеме белән тәмамланган янгыннар була. Яңа ел көннәрендә янгыннар саны, гадәттәге көннәр белән чагыштырганда, уртача 20%ка арта, ә андагы кешеләрнең үлеме – 50%ка», – дип сөйләде ул.

Аның сүзләренә караганда, узган Яңа ел бәйрәмнәрендә – 30 декабрьдән 9 гыйнварга кадәр – Татарстан Республикасында 129 янгын теркәлгән, аларда 6 кеше һәлак булган. 12 кеше имгәнгән, шуларның бишесе пиротехника куллану нәтиҗәсендә зыян күргән.

"Узган Яңа ел бәйрәм көннәрендә республикада янгыннарның төп сәбәпләре – ут белән саксыз эш итү - шул сәбәптән 51 янгын чыккан, бу гомуми санның 40%ы. 35 очрак электр җайланмаларын техник эксплуатацияләү кагыйдәләрен бозу аркасында килеп чыккан, бу 27% һәм 31 очрак яки 24% янгын дөрес төзелмәгән һәм җылыту мичләре һәм төтен чыгару юллары төзек булмау аракасында чыккан»,-дип аңлатты Максим Трущин.

Узган Яңа ел бәйрәмнәрендәге янгыннарның барысы да диярлек нәкъ менә торак секторында булган.

"Россия Гадәттән тыш хәлләр министрлыгының Татарстан Республикасы буенча Баш идарәсе һәм Татарстан Республикасы Гадәттән тыш хәлләр министрлыгы көчләре һәм чаралары 29 декабрьдән 9 гыйнварга кадәр хезмәт итүнең көчәйтелгән вариантына күчерелә. Ул җитәкчеләр составының тәүлек әйләнәсе кизү торуын һәм хәрби исәп-хисапларны көчәйтүне күздә тота. Тәүлек әйләнәсе режимында 1100дән артык техника берәмлеге һәм 2200дән артык хезмәткәр җәлеп ителә», – дип билгеләп үтте Максим Трущин.

Спикер шулай ук 25 декабрьдән Татарстанда махсус янгынга каршы режим гамәлгә керүен искәртте, ул 8 гыйнварга кадәр дәвам итәчәк. Махсус янгынга каршы режим гамәлдә булган чорда гражданнар өчен штраф 20 мең сум тәшкил итәчәк. Юридик затларга 800 мең сумга кадәр акча түләргә туры киләчәк. Гадәттән тыш хәлләр министрлыгы хезмәткәрләре хәзер үк пиротехника сатучы сәүдә нокталарына рейдлар үткәрә. Хәзерге вакытта 89 шундый объект исәпкә алынган.

Яңа ел бәйрәмнәре вакытында тәртипне полиция хезмәткәрләре Росгвардия хезмәткәрләре белән бергә күзәтәчәк. "Быелның соңгы көннәрендә һәм Яңа ел башында – барлык хакимият органнары, шул исәптән полиция өчен дә, гражданнарның иминлеген тәэмин итү буенча өстенлекле бурыч булачак. Без көчәйтелгән режимда эшләячәкбез. Чыршы шәһәрчекләре ачылу көннәрендә һәм Яңа ел төнендә 2,5 меңнән артык полиция хезмәткәрен җәлеп итү планлаштырыла. Өстәмә рәвештә Росгвардия хезмәткәрләре һәм хәрбиләре, шәхси сак оешмалары хезмәткәрләре һәм муниципаль хезмәткәрләр җәлеп ителә», – дип билгеләп үтте ТР буенча Эчке эшләр министрлыгының җәмәгать тәртибен саклауны оештыру идарәсе башлыгы Евгений Притков.

Барлык массакүләм йөрүләр урыннары инде тикшерелгән, алар каршылыклы коймалар белән уратып алыначак, анда металл детекторлары урнаштырылачак.