Татарстан Республикасы Рәисе Администрациясе Җитәкчесе Әсгать Сәфәров "Теләкләр чыршысы" гамәлендә катнашучы балаларның Яңа ел хыялларын тормышка ашырачак

Татарстан Республикасы Рәисе Администрациясе Җитәкчесе Әсгать Сәфәров «Теләкләр чыршысы» бөтенроссия Яңа ел гамәлендә катнашты.

Әсгать Сәфәров чыршыдан открыткалар алды, аларда «Теләкләр чыршысы» гамәлендә катнашучы балаларның Яңа ел теләкләре язылган.

Әтнә районыннан тугыз яшьлек Арина яңа елда сюрприз бүләк алырга тели. Кыз шигырьләр укырга, рәсем ясарга ярата.

Казаннан сигез яшьлек Варвара республика башкаласындагы балалар радиосы студиясенә экскурсиягә барырга хыяллана. Кыз йөзү, музыка белән шөгыльләнә.

Республиканың Спас районыннан ун яшьлек Егор дельфиннар белән йөзү турында хыяллана.

Казаннан 14 яшьлек Владимир да сюрприз бүләк алырга хыяллана. Яшүсмер рәсем ясарга ярата, күп вакытын классик һәм рухи музыкага багышлый.

Әгерҗе районыннан унике яшьлек Станислав бокс грушасы һәм перчаткалар турында хыяллана. Малай спорт белән мавыга һәм абыйлары һәм апалары белән уйнарга ярата гаиләдә тугыз бала үсә.

Чаллыдан 10 яшьлек Вероника туристлар чатыры турында хыяллана.

Казаннан биш яшьлек Рамазан яңа елда бүләккә дача спорт комплексы алырга хыяллана. Малай спорт дәресләренә йөри.