ТР Төзелеш министрлыгы башлыгы торак коммуналь хуҗалыкта капиталь ремонт һәм түләү дисциплинасы программаларын гамәлгә ашыру турында сөйләде

Бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин капиталь ремонтның республика һәм федераль программаларын гамәлгә ашыру һәм торак-коммуналь хезмәтләр өчен түләү дисциплинасы турында хәбәр итте.

Республика Рәисе Рөстәм Миңнеханов барлык районнар  белән видеоконференцэлемтә режимында киңәшмә үткәрде. Киңәшмәдә шулай ук ТР Премьер-министры Алексей Песошин да катнашты.

«Сәламәтлек саклау» өлкәсендә өч республика һәм федераль программага кергән 149 объектның 6 стационар учреждениесендә ремонтны тәмамлыйсы кала. Алар буенча башкарылыш 90% һәм аннан да югарырак дәрәҗәгә җиткән.

«Мәдәният» тармагы буенча 44 объектның 5се подрядчыларда кала. Бу өч авыл Мәдәният йорты. Алар буенча башкару да 90%тан артып китә. Бу атнада Лаеш һәм Кукмара районнарында ике авыл мәдәният йортын ремонтлау төгәлләнгән. Шулай ук 2 тармак мәгариф учреждениесе эшләнә: Кукмара шәһәрендәге «Родигиннарның киез итек фабрикасы» мәдәни мирас объекты (76% башкару) һәм Зеленодольск шәһәрендәге музей (98%).

Яшьләр сәясәте тармагы буенча 27 объектның республика психологик-педагогик ярдәм үзәкләрен ремонтлау программасы буенча эшләрне тәмамлыйсы кала. Бу - Казан шәһәрендә - биш һәм Зеленодольск шәһәрендә бер объект. Алар буенча башкару 85-99% тәшкил итә. Шулай ук агымдагы атнада Казан шәһәрендәге объектта эшләр тәмамланган.

Хәрби комиссариатларның 13 бинасыннан 2 объектта – Казан шәһәрендә һәм Базарлы Матак авылында эшләр тәмамлана. Алар буенча эш күләме 90%тан артык. Соңгы ике атнада подрядчылар Нурлат һәм Чаллы шәһәрләрендә, шулай ук Менделеевск районында 3 объектны тапшырганнар.

Росгвардия карамагындагы 5 бинаның берсен генә Түбән Кама шәһәрендә төзеп бетерәсе кала. Аның әзерлеге 96% дип бәяләнә.

Бу атнада спорт объектларын капиталь ремонтлау программасын Казан шәһәрендә тапшырып тәмамлаганнар.

Күп фатирлы йортларны ремонтлау программасы буенча. Быелгы төзелеш-монтаж эшләре тәмамланган. Торак-коммуналь хуҗалык фонды 2024 елда капиталь ремонт программасы буенча электрон аукционнар үткәрү буенча эш оештырган. Бүгенге көндә 463 КФЙ буенча подряд оешмалары билгеләнгән.

Министр торак-коммуналь хезмәтләр өчен халыкның түләү дисциплинасы турында аерым хәбәр итте. Үткәрелгән анализга нигезендә быелның ноябрендә республика буенча торак-коммуналь хезмәтләр өчен түләүләр җыю дәрәҗәсе узган елның шул ук чорына карата 0,9 процентка арткан һәм 99,7 процентка җиткән. Агымдагы елның гыйнвар-ноябрь айларында әлеге күрсәткеч 99,1% тәшкил иткән, бу узган елгы дәрәҗәгә туры килә. Уртача еллык дәрәҗәсе 99,3% тәшкил итә, бу шулай ук 2022 елның шул ук чорына туры килә. Электрон форматтагы түләүләр өлеше гомуми күләмдә 72,8%ка җиткән.

Торак-коммуналь комплекс оешмалары тарафыннан кулланылган энергия ресурслары өчен бурычлар буенча хәл түбәндәгечә. 2023 елның 1 декабренә газ өчен түләнмәгән бурыч суммасы 211 млн сум тәшкил итә. Узган елның шул ук чоры белән чагыштырганда 2,6 млн сумга кимү теркәлә.

Кулланылган электр энергиясе өлешендә оператив мәгълүматлар буенча бер елда бурыч суммасы 13 млн сумга кими. 2023 елның 1 декабренә бурычның гомуми суммасы 25 млн тәшкил итә.

Идарәче оешмаларның җылылык энергиясе өчен «Татэнерго» акционерлык җәмгыяте алдындагы бурычы 1 декабрьгә 68 млн сумга кимегән һәм 117 млн сум тәшкил итә.