Татарстан Идел буе федераль округы төбәкләре арасында азык-төлек продукциясенең күпчелек төрләрен сатып алу бәяләре мөмкинлеге буенча лидерлык позицияләрендә тора

Авылга ярдәм итү төбәк һәм федераль бюджетлардан тулы күләмдә сакланып калган. Бу хакта бүген Татарстан Республикасы Хөкүмәте Йортында узган киңәшмәдә Татарстан Республикасы авыл хуҗалыгы һәм азык-төлек министрының беренче урынбасары Ленар Гарипов белдерде.

Киңәшмәне Татарстан Республикасы Рәисе Рөстәм Миңнеханов үткәрде, киңәшмәдә шулай ук Татарстан Премьер-министры Алексей Песошин да катнашты. Видеоконференцэлемтә режимында киңәшмәгә барлык муниципаль берәмлекләр дә кушылды.

Нотыкчы хәбәр иткәнчә, бүгенге көндә дәүләт ярдәме алучыларга 10,9 млрд сум җиткерелгән, бу еллык лимитның 75,6 процентын тәшкил итә. Дәүләт ярдәменең калган өлешен алу өчен конкурслар һәм сайлап алулар дәвам итә, акчалар ел ахырына кадәр тулысынча үзләштереләчәк. Ул шулай ук Россия Авыл хуҗалыгы министрлыгының сатылган ашлыкка чыгымнарның бер өлешен каплауга 260 млн сум күләмендә өстәмә акча бүлеп бирүе турында хәбәр итте. Якын арада акчалар авыл хуҗалыгы товар җитештерүчеләренә җиткереләчәк. "Агросәнәгать комплексы бүген республика халкын үз продукциясенең төп төрләре белән тулысынча тәэмин итә, - диде Ленар Гарипов. - Идел буе федераль округы төбәкләре арасында бәяләр буенча республика азык-төлек продукциясенең күпчелек төрләре буенча лидерлык позицияләрен тотрыклы тота»

Татарстан Республикасы авыл хуҗалыгы һәм азык-төлек министрының беренче урынбасары авыл хуҗалыгы продукциясе ярминкәләренә һәрвакыт сатып алучылар арасында ихтыяҗ булуын, дип искәртте. Бу чаралар ихтыяҗ булуны исбатлады һәм ел ахырына кадәр республикада үткәреләчәк, дип төгәлләде ул. Мәсәлән, 12 ярминкә көнендә 930 млн сумлык авыл хуҗалыгы продукциясе сатылган.