Татарстан Рәисе Каракалпакстан Республикасы Жокаргы Кенесы Рәисе Аманбаев Орынбаев белән очрашты

Татарстан Рәисе Рөстәм Миңнеханов Каракалпакстан Республикасы Жокаргы Кенесы (парламенты) Рәисе Аманбай Орынбаев белән эшлекле очрашу үткәрде. Очрашуда шулай ук Үзбәкстан Республикасы Президенты киңәшчесе Турсинхан Худайбергенов катнашты.

Парламент башлыгы, республика делегациясен сәламләп, Татарстан Конституциясе көне белән котлады.

"Бүгенге очрашуны Россия һәм Үзбәкстан төбәкләре арасында хезмәттәшлекне ныгытуның ачык мисалы буларак бәялибез. Ә сезнең визит безнең өчен тарихи», - дип билгеләп үтте Аманбай Орынбаев.

Ул ассызыклаганча, бүген Россия Каракалпакстанда җитештерелгән товарларның төп кулланучысы булып тора. Татарстан белән тыгызрак мөнәсәбәтләр урнаштыру өчен ул төбәкара эш төркеме булдырырга тәкъдим итте.

Үз чиратында, Үзбәкстан Президенты киңәшчесе Шәүкәт Мирзиёев исеменнән җылы сәламләү сүзләрен җиткерде, ул ике төбәкнең хезмәттәшлеген үстерү перспективасын күреп, бу сәфәргә дә җитди игътибар бирүен билгеләп үтте.

"Без Россия-Үзбәкстан дуслык мөнәсәбәтләре кысаларында сезнең ил белән хезмәттәшлекне киңәйтү мөмкинлеген югары бәялибез. Бу эштә дәүләтләребез Президентлары Владимир Владимирович Путин һәм Шәүкәт Миромон улы Мирзиёевның аерым казанышы", - дип билгеләп үтте Рөстәм Миңнеханов.

Узган ел нәтиҗәләре буенча Татарстан-Үзбәкстан товар әйләнеше 290 миллион доллардан артып киткән. Бу елның алты аенда ул 147,7 миллион долларга җиткән, 30% үсеш күрсәтә.

Эш төркеме төзү тәкъдименә килгәндә, Рөстәм Миңнеханов республиканың Сәнәгать һәм сәүдә министрлыгына эшкә кушылырга кушты.

Моннан тыш, очрашуда Каракалпакстан җитәкчелеге Татарстан тәҗрибәсен һәм, Чирчикта мондый проектларны уңышлы тормышка ашыруны исәпкә алып, махсус зона оештыру инициативасы белән чыкты. Очрашуда белгечләр бүген каралган мәйданчыкларның потенциалын анализлаячаклар дип килештеләр.

Шулай ук кадрлар әзерләү мәсьәләсе, аерым алганда, предприятиеләр базасында махсус мәйданчыклар оештыру, КАМАЗ тәҗрибәсе буенча фикер алыштылар.