Рөстәм Миңнеханов «Раритэк Холдинг» АҖ газ-мотор техникасы яңалыкларын тәкъдир итүдә катнашты

Татарстан Рәисе Рөстәм Миңнеханов Петербург халыкара газ форумы кысаларында «Раритэк Холдинг» АҖнең газ-мотор техникасын тәкъдир итүдә катнашты.

«Раритэк Холдинг» АҖ стенды газ форумында Татарстанның төп тәкъдир итү мәйданчыкларының берсе булды. Биредә авыл хуҗалыгы һәм коммуналь техниканың газ-моторлы яңалыклары презентациясе узды.

Форумда катнашучыларның һәм кунакларның игътибарын «Раритэк Холдинг» АҖ һәм «ТПК МТЗ-Татарстан» уртак эшләнмәләре җәлеп итте. Аерым алганда, MMZ-262ng двигателе белән Беларус-1221gt тракторы уңышлы сертификация сынауларын узган. Д-262 дизель двигателе базасында MMZ262CNG газ поршеньлы двигателе Минск мотор заводы тарафыннан Раритэк белән тыгыз хезмәттәшлектә эшләнгән. Минск мотор заводы двигатель конструкциясенең механик өлеше өчен җавап бирә, ә "РариТЭК" газ җайланмалары һәм двигательне кирәкле күрсәткечләргә җиткерү буенча эшләр өчен. Тракторның куәте 130 ат көченә ия. Һәм 4х4 тәгәрмәчле формуласында көчәйтелгән алгы күпер ныгытылган. Трактор туфракның теләсә кайсы төрендә һәм теләсә кайсы климат зонасында бертигез яхшы эшли. Көч запасы киң колачлы авыл хуҗалыгы коралларын кулланырга мөмкинлек бирә, алар зур мәйданнарны чикләнгән вакытта эшкәртергә мөмкинлек бирә. Шулай ук трактор төзелештә, юл һәм коммуналь хезмәтләрдә һәм транспорт эшләрендә киң кулланыла.

Санкт-Петербургта газ форумында беренче тапкыр 380 ат көчендәге Ростсельмаш-2375 газ моторлы тракторы үрнәге тәкъдим ителде. Ул "Ростсельмаш" машина төзелеше компаниясе һәм "РариТЭК Холдинг" АҖ хезмәттәшлеге нәтиҗәсе булып тора. Ростсельмаш 2375 тракторы 6 нчы тарту классына карый һәм әлеге модель - сыекландырылган табигый газ белән эшләү өчен югары куәтле авыл хуҗалыгы тракторларын үзгәртеп коруның беренче тәҗрибәсе. Октябрь аенда Ростсельмаш-2375 СПГ (метан) Татарстан кырларында реаль шартларда йөретелеп каралды. Эшләр Россия һәм чит ил җитештерүенең дизель аналоглары белән бер үк кырда барган. Газ-мотор машинасы дизель ягулыгындагы эталон үрнәгеннән 12%ка күбрәк җитештерүчәнлек күрсәткән.

«Раритэк Холдинг» АҖ продукциясен тәкъдир итү ахырында Татарстан Республикасы Рәисе Рөстәм Миңнеханов катнашында «Газпром трансгаз Казан»ҖЧҖ өчен СПГдагы газ-мотор техникасын файдалануга тапшыру тантанасы узды.