Татарстан Рәисе Петербург халыкара газ форумы эшендә катнаша

Бүген Татарстан Республикасы Рәисе Рөстәм Миңнеханов Санкт-Петербург шәһәренә 2023 елның 31 октябреннән 3 ноябренә кадәр «Экспофорум» конгресс-күргәзмә үзәге территориясендә уза торган XII Петербург халыкара газ форумы эшендә катнашу өчен килде.

Татарстан Республикасы Рәисенең эшлекле программасында стендларны йөреп чыгу һәм Петербург халыкара газ форумының күргәзмә экспозициясе белән танышу, шулай ук газ-мотор ягулыгы базарын үстерү дәрәҗәсе буенча Россия Федерациясе төбәкләре рейтингы җиңүчеләрен бүләкләү тантанасында катнашу планлаштырыла.

Газ форумында Татарстанның төп тәкъдир итү мәйданчыкларының берсе - «Раритэк Холдинг» АҖ стенды, анда газ-моторлы авыл хуҗалыгы һәм коммуналь техника яңалыклары тәкъдир ителәчәк. Монда «Агросила» АҖ һәм «Газпром трансгаз Казан» ҖЧҖ республика предприятиеләренә газ-мотор техникасын СПГга файдалануга тапшыру тантанасы планлаштырылган.

Көннең икенче яртысында Рөстәм Миңнеханов «Дөнья табигый газ базарын үзгәртү: чакырулар һәм үсеш юллары» темасына багышланган форумның пленар утырышында катнашырга ниятли.

Шулай ук XII Петербург халыкара газ форумы мәйданчыкларында Татарстан Республикасы Рәисенең «Газпром» ГАҖ җитәкчелеге һәм эшлекле форумда катнашучы компанияләр башлыклары белән эшлекле очрашулары планлаштырылган.

Форумның күргәзмә программасы колачлы булыр һәм «Экспофорум»ның өч павильонында, пассажда һәм ачык һавада җәелер дип көтелә. 2023 елда Петербург халыкара газ форумы күргәзмәсендә үз продукциясен 500дән артык Россия һәм чит ил компанияләре 50 мең кв.м. мәйданда күрсәтергә планлаштыра. Шул исәптән күргәзмәдә Татарстан Республикасыннан 22 компания, шулай ук аларның партнерлары катнашачак. Мәсәлән, "КАМАЗ" ГАҖ, ФГБОУ ВО "КНИТУ" ЮБнеңФДБО, "Иннополис Университеты" ЮБнең КАБО,  ТР Сәнәгать кластеры ассоциациясе, "Раритэк Холдинг" АҖ, "ТПК "МТЗ-Татарстан" ҖЧҖ,  "Таграс-Холдинг" ҖЧҖ, "Техстрой" ҖЧҖ, "ТНГ-Групп" ҖЧҖ, "Газпром газомоторное топливо" ҖЧҖ, "Газпром межрегионгаз" ҖЧҖ һәм башкалар.

Күргәзмәнең экспонентлары - инновацион продуктлар һәм технологияләр эшләүче төрле компанияләр, проект оешмалары һәм фәнни-тикшеренү структуралары, алар стратегик үсеш проектларын гамәлгә ашыруда, шул исәптән газлаштыру, энергияне саклау, кече ятмаларны эшкәртү һәм углеводород чималның яңа чыганакларын үзләштерү буенча дәүләт һәм төбәк программаларын формалаштыруда катнаша.

XII Петербург халыкара газ форумының эшлекле программасы 18 тематик юнәлеш буенча 80 чара үткәрүне күздә тота. Барлыгы 17 илдән 700дән артык спикерны җәлеп итү планлаштырыла.