Татарстан Рәисе: Нәкъ менә безнең укытучыларыбыздан яшь буынны – Ватаныбызның ваемсыз булмаган гражданнарын һәм патриотларын тәрбияләү тора

Бүген «Казан Экспо» күргәзмә үзәгендә Халыкара укытучы көненә багышланган тантаналы чара узды. Тантанада Татарстан Республикасы Рәисе Рөстәм Миңнеханов һәм республика Дәүләт Киңәшчесе Минтимер Шәймиев катнашты.

Рөстәм Миңнеханов билгеләп үткәнчә, Россиядә игълан ителгән Педагог һәм остаз елы - укытучыларга иң игелекле һәм иҗади хезмәтләре өчен рәхмәт сүзләрен җиткерү өчен тагын бер сәбәп. "Һәр педагог үз укучыларына күңеленең бер әлешен сала. Нәкъ менә сезнең тәҗрибәгез, зирәклегегез һәм белемнәрегез яшь буынны - ваемсыз булмаган Ватаныбыз гражданнарын һәм патриотларын тәрбияләүгә бәйле», - дип мөрәҗәгать итте Рөстәм Миңнеханов чарада катнашучыларга.

Бүген Татарстанда 77 меңнән артык педагог эшли. Республика Рәисе билгеләп үткәнчә, елдан-ел яшь укытучылар саны арта бара: «Ышанам, мәгариф системасына кадрлар керүе, яшь педагогларның буыннар тәҗрибәсен һәм энергиясен туплавы - тармакның уңышы һәм үсеше өчен нигез».

Рөстәм Миңнеханов ассызыклаганча, ел саен республика мәктәпләре укытучылары һәм җитәкчеләре иң югары федераль дәрәҗәдә танылуга ирешә. Әйтик, Татарстан вәкилләре мәктәп укучыларының Бөтенроссия олимпиадасында җиңүчеләр һәм призерлар саны буенча ышанычлы рәвештә 3 нче урында торалар. "Без сезнең һәрберегезнең уңышлары белән горурланабыз", - диде  ТР Рәисе.

Ул билгеләп үткәнчә, Татарстанда мәгариф тармагына матди-техник базаны үстерү өлкәсендә дә, мәгариф сыйфатын һәм педагогларның хезмәт абруен күтәрү өлкәсендә дә аерым игътибар бирелә.

"Кадерле укытучылар, педагоглар, остазлар! Сезне тагын бер тапкыр һөнәри бәйрәмегез белән котлыйм һәм сезгә ныклы сәламәтлек һәм иминлек телим», - дип өстәде Рөстәм Миңнеханов һәм берничә дәүләт бүләге тапшырды.

«Татарстан Республикасының Атказанган укытучысы» исеменә лаек булган 13 нче номерлы Казан гимназиясе укытучысы Алинә Шаһгәрәева республика җитәкчелегенә мәгариф тармагын үстерүгә даими ярдәм иткәне һәм игътибар иткәне өчен рәхмәт белдерде.

Республика мәгариф һәм фән министрлыгы башлыгы Илсур Һадиуллин үз чиратында быел Татарстан укытучыларының зур уңышларга ирешүләрен билгеләп үтте. Кичә Иннополис лицееның математика укытучысы Арман Костанян «Ел укытучысы - 2023» бөтенроссия конкурсы призерлары рәтенә кергән. Иннополис мәктәбе педагогы Юлия Тихонова - «Беренче укытучы» бөтенроссия конкурсы лауреаты. 41 нче мәктәпкәчә төркем тәрбиячесе Айсылу Лотфуллина «Иң яхшы туган тел һәм әдәбият укытучысы» конкурсында җиңү яулаган, ә Казанның 13 нче гимназиясе укытучысы Алинә Шаһгәрәева конкурсның биш финалистларының берсе булган. Казанның 101 нче балалар бакчасы тәрбиячесе Юлия Токмакова «Россиянең Ел тәрбиячесе-2023» бөтенроссия һөнәри конкурсының топ-5легенә кергән. "Алар барысы да бүген безнең белән. Алар - республикабызның һәм илебезнең горурлыгы. Без хезмәттәшләребезне чын күңелдән котлыйбыз", - диде министр.

Ул республика җитәкчелеге педагогларга һәрьяклап ярдәм итә, яңа белем бирү учреждениеләре төзелә, укытучылар яңа ноутбуклар ала, төрле бүләкләү чаралары гамәлгә ашырыла, дип өстәде. " Без, Татарстан укытучылары, үз чиратында һәрвакыт тырышып хезмәт итәчәкбез", - дип өстәде Илсур Һадиуллин.