Иннополис Kazan Digital Week кырларында берничә килешү имзалады

Kazan Digital Week халыкара форумының икенче көне кысаларында Иннополис инновацион үзәкнең алга таба үсешенә ярдәм итәчәк берничә мөһим килешүгә кул куйды. Килешүләр Татарстан Республикасы Премьер-министры урынбасары Роман Шәйхетдинов барында имзаланды.

Мәсәлән, Иннополис Университеты, «Иннополис» МИЗ һәм «Пилотсыз авиация системалары» компаниясе пилотсыз авиация системаларын илкүләм һава киңлегенә интеграцияләү һәм Россия транспорт тармагының инновацион потенциалын үстерү мәсьәләләре буенча партнерлык турында килештеләр. Яклар йөкләр ташуга һәм кешеләр йөртүгә, янгын сүндерүгә һ.б. пилотсыз технологияләр кертү өчен проектлар эшләячәк һәм пилотсыз һава судноларының тышкы пилотларын укыту һәм тренажер әзерләү үзәген булдырачак. Шулай ук шәһәр агломерациясендә пилотсыз очу аппаратларының очышларын автоматлаштыру һәм аларның һавадагы конфликтларын кисәтү планлаштырыла.

«Иннополис" махсус икътисади зонасы «Та – Информационные технологии» ҖЧҖ (Россия-Кытай уртак предприятиесе) белән хезмәттәшлек турында килешү имзалады. Яклар Иннополистагы «ИнноПарк» технопаркы территориясендә коммутация һәм челтәр җайланмалары, роутерлар һәм мәгълүмат саклау системаларын җыю буенча җитештерүне эшләтеп җибәрү турында килештеләр. Җайланмаларны урнаштыру һәм беренче этапны җитештерүне башлау 2023 ел ахырына кадәр планлаштырыла.

Иннополис Университеты «Ростелеком» компаниясе белән берьюлы ике килешү төзеде. Беренче документ «Алдынгы инженерлык мәктәпләре» федераль проекты кысаларында хезмәттәшлекне күздә тота: яклар яңа буын инженерларын әзерләү өчен уртак белем бирү программалары булдырачак, ИТ-продуктлар эшләү өчен алдынгы технологияләрне үстерәчәк һәм кулланачак. Шулай ук «Ростелеком»ның финанс ярдәме белән Иннополис Университеты базасында югары технологияле җайланмалар, исәпләү системалары һәм махсус гамәли программа тәэминаты белән җиһазландырылган лабораторияләр төзеләчәк.

ИТ-югары уку йорты һәм «Ростелеком» арасындагы икенче меморандум "Яга" илебез платформасы өчен программа продуктларын бергәләп эшләүгә кагыла, ул - чит ил продуктларын алыштырырга тиеш булган бурычлар һәм проектлар белән идарә итү системасы (Atlassian (Trello, Jira, Confluence).