Рөстәм Миңнеханов Владивостокта "Корпорация АЕОН" холдингына нигез салучы Роман Троценко белән очрашты

Татарстан Рәисе Рөстәм Миңнеханов Көнчыгыш икътисадый форумы кырларында "Корпорация АЕОН" холдингына нигез салучы Роман Троценко белән очрашты.

Яклар Татарстанда гамәлгә ашырыла торган проект турында фикер алыштылар. Рөстәм Миңнеханов күптән түгел «Аммоний» заводында булган тәэсирләре белән уртаклашты. Ул җитештерү процессының югары оештырылуын билгеләп үтте.

Рөстәм Миңнеханов Менделеевсктагы химия-технология лицее өчен аерым рәхмәт белдерде, анда холдинг тирән модернизация үткәргән: лабораторияләр җиһазландырылды, җайланмалар сатып алынган.

Роман Троценко, үз чиратында, кичә Татарстан стендында холдингның Кытай компаниясе җитәкчелеге белән компакт экологик чиста электр станцияләре төзү буенча килешү төзегәнлеген сөйләде. "Татарстан Кытай компанияләре омтылган урынга әверелде. Кичә компанияләр белән килешү имзаланды, аның җитәкчелеге шушы көннәрдә Казанда халыкара Россия-Кытай форумында катнашкан иде», - диде Роман Троценко.