ТР Төзелеш министрлыгы: Күпфатирлы йортларны капиталь ремонтлау программасы 98 процентка башкарылган

Бүген ТР Хөкүмәте Йортында узган республика киңәшмәсендә ТР төзелеш, архитектура һәм торак-коммуналь хуҗалык министры Марат Айзатуллин социаль-мәдәни объектларны һәм күпфатирлы йортларны капиталь ремонтлау программаларын гамәлгә ашыруның барышы турында сөйләде.

Киңәшмәне Татарстан Республикасы Рәисе Рөстәм Миңнеханов үткәрде. Киңәшмәдә Татарстан Премьер-министры Алексей Песошин катнашты.

Мәгариф объектларын капиталь ремонтлау өлешендә 7 республика һәм федераль программа гамәлгә ашырыла - барлыгы 234 объект. 43 гомуми белем бирү учреждениесе буенча эшләр 100% тәшкил итә. 143 мәктәптә азык-төлек блогы буенча программа үтәлгән. 7 балалар бакчасы буенча эшләр 97% ка башкарылган. Подрядчылар Казанда 2 объектта эшне дәвам итә. Агымдагы атнада өч объект тапшырылды, шуларның 2се - Казанда һәм Кукмара районында берәр балалар бакчасы. 9 ресурс үзәгеннән Балык Бистәсе районындагы техникумда эшләр дәвам итә. Хәзерге көнгә башкару 80% тәшкил итә. Шулай ук Бөгелмәдә бер объектта эшләрне урта һөнәри белем бирү тулай торакларын ремонтлау программасы кысаларында тәмамларга кала. Анда башкару 90% тәшкил итә.

Сәламәтлек саклау тармагы буенча 118 объекттан торган өч федераль һәм республика программасы кысаларында беренчел звеноны модернизацияләү кысаларында Нурлат районында участок хастаханәсендә эшләр дәвам итә. Аның буенча башкару 97% тәшкил итә. Тармакның 16 стационар учреждениесендә ремонт дәвам итә. Программаның гомуми үтәлеше 81% тәшкил итә.

Мәдәният тармагында дүрт федераль һәм республика программасы гамәлгә ашырыла. Аларда 34 авыл мәдәният йорты бар, алар буенча гомуми башкару 76% тәшкил итә. Подрядчылар эшләрне 18 объектта дәвам итә. Бу атнада Теләче һәм Баулы районнарында объектларны ремонтлау төгәлләнде. 10 тармак мәгариф мәдәният учреждениесенең 5сендә эшләр дәвам итә. Төзелеш-монтаж эшләренең планлы күләменнән 72% башкарылган. Агымдагы атнада Әлмәт һәм Алексеевск районнарында 2 объект тапшырылган.

Яшьләр сәясәте өлкәсендәге 5 программадан агымдагы атнада яшүсмерләр клубларын ремонтлау программасын Нурлат районында соңгы объектны тапшыру белән тәмамлады. 6 балалар савыктыру лагерен ремонтлау буенча эш күләме 87% ка башкарылган. Эштә 3 объект кала.

Яшьләр үзәкләрен ремонтлау буенча 8 объектның икесендә эшләр тәмамланмаган. Программа буенча гомуми башкару 89% тәшкил итә. Агымдагы атнада Мөслим һәм Лениногорск районнарында объектлар тапшырылды. 10 психологик-педагогик ярдәм үзәкләрен ремонтлау 52% ка башкарылган. Агымдагы атнада объект Бөгелмә шәһәренә тапшырылды.

Экология һәм табигый ресурсларны саклау өлкәсендәге 23 объектны ремонтлау 2 программа кысаларында алып барыла. Алар буенча эшләрнең гомуми үтәлеше 94% ка җиткән. Эшләр 3 объектта тәмамланмаган. Агымдагы атнада Әгерҗе шәһәрендә су агымын җайга салу чаралары төгәлләнде.

Ветеринария берләшмәләре, авыл хуҗалыгы һәм азык-төлек идарәләре, «Россельхозцентр» федераль учреждениесе биналарын, урманчылык биналарын, авыл җирлекләре башкарма комитетлары биналарын, муниципаль архивларны капиталь ремонтлау программалары төгәлләнде.

ТР Спорт министрлыгы линиясе буенча 15 спорт объектын капиталь ремонтлау программасы 81% ка үтәлгән. Агымдагы атнада Кукмара, Әлмәт, Буа, Минзәлә районнарында һәм Казанда 5 объект тапшырылды. Социаль яклау министрлыгы буенча Алабуга районында 35 объектның берсендә эшләр дәвам итә. Аның буенча башкару - 72%.

Җәмәгать судьялары биналарын ремонтлау программасы 97% ка үтәлгән. Хәрби комиссариатлар биналарының әзерлеге 84% дип бәяләнә. 13 объектның 9ында төзелеш-монтаж эшләре дәвам итә. 30% Росгвардия карамагындагы биналарны капиталь ремонтлау буенча эшләр башкарылган.

Күпфатирлы йортларны капиталь ремонтлау программасы буенча үтәлеш 98% тәшкил итә. 506 объектта эшләр тулысынча тәмамланган, шул исәптән 96 йортта 257 лифт алыштырылган. 219 йортта ремонт эшләре дәвам итә. 196 йортта эш күләме 70% тан артып китә.