Рөстәм Миңнеханов Кытайның Синьцзян-Уйгыр автономияле районы Хөкүмәте Рәисе урынбасары Мәрдан Мукийит белән очрашты

Бүген Татарстан Республикасы Рәисе Рөстәм Миңнеханов Кытайның Синьцзян-Уйгыр автономияле районы Хөкүмәте Рәисе урынбасары Мәрдан Мукийит белән очрашты.

Исегезгә төшерәбез, Мәрдан Мукийит Татарстан Республикасына «РОСТКИ: Россия һәм Кытай – үзара файдалы хезмәттәшлек» халыкара форумында катнашу өчен килгән.

Кунакны сәламләп, Рөстәм Миңнеханов соңгы елларда Россия-Кытай мөнәсәбәтләренең моңарчы күрелмәгән дәрәҗәгә җитүен билгеләп үтте. Татарстан, Россиянең алдынгы һәм сәнәгый үсеш алган төбәкләренең берсе буларак, безнең илләр арасындагы хезмәттәшлекне үстерүдә актив катнаша, диде ул.

Татарстан үзендә иң югары дәрәҗәдәге Кытай делегацияләрен кабул итте. Татарстанның Кытайның Шаньдун, Сычуань, Хунань, Аньхой, Чжэцзян, Хэйлунцзян, Чунцин провинцияләре белән 7 килешүе имзаланган, шулай ук муниципаль берәмлекләр арасында күп кенә килешүләр бар.

Моннан тыш, Казан Кытайның алты шәһәре Гуанчжоу, Ханчжоу, Шэньчжэнь, Чэнду, Сиань, Цицикар белән тугандаш элемтәләрне саклый. Пекинда Татарстанның сәүдә-икътисадый вәкиллеге, Казанда Кытай Халык Республикасының Генераль консуллыгы эшли.

Ел саен Татарстан һәм Кытай товар әйләнеше арта. Узган ел нәтиҗәләре буенча ул 58%ка арткан һәм 1,6 миллиард доллардан артып киткән. "Товар әйләнеше үсүен дәвам итә. Бы елның беренче кварталында гына да үзара сәүдә 740 миллион доллар тәшкил итте", - дип ассызыклады Рөстәм Миңнеханов бүгенге очрашуда.

Татарстанда Кытай компанияләре белән уртак икътисадый проектлар гамәлгә ашырыла. "Хайер" корпорациясе - шуның ачык мисалы, ул суыткычлар, кер юу машиналары, телевизорлар җитештерү буенча заводлар ачкан; коммерциячел салкын җитештерү буенча акыллы завод; штампланган әйберләр заводы. Су җылыткычлары җитештерү заводы төзелеп килә.

Синьцзян-Уйгыр автоном районы - Кытайның Татарстанда актив диалог үсеш алган төбәкләренең берсе. (Исегезгә төшерәбез, 2014 елда Рөстәм Миңнеханов Урымчыда булды. Ул вакытта провинция җитәкчелеге белән очрашулар узды; объектлар каралды; эшлекле форум узды).

Үз чиратында, Казанга Синьцзян-Уйгыр автоном районыннан Кытай коллегалары делегацияләре килде (2014 һәм 2017 елларда) авыл хуҗалыгы; төзелеш; медицина; күргәзмә эшчәнлеге өлкәсендә уртак проектлар турында фикер алыштылар.

Гуманитар өлкәдә хезмәттәшлекне үстерү өчен яхшы потенциал бар. Казан - Россиянең алдынгы фәнни-мәгариф үзәкләренең берсе. КФУда Конфуций мәгариф-мәдәни институты эшли.

Татарстанда 2 меңгә якын кытай студенты белем ала (Кытай студентлары Татарстанда чит ил студентлары буенча өченче урында).

Рөстәм Миңнеханов төбәк икътисады турында кыскача сөйләде.

Ул 2024 елда Казанда «Киләчәк Уеннары» – спорт, фән һәм технологияләр тоташуында колачлы халыкара вакыйга булачагын хәбәр итте һәм Кытай катнашучыларын ярышларда чыгыш ясарга чакырды.

Киләсе елда Казанда булачак тагын бер мөһим вакыйга – БРИКС һәм БРИКС+ дәүләт башлыклары саммиты. "Кытайдан күп кунаклар катнашыр дип көтәбез", - дип ассызыклады Рөстәм Миңнеханов.

Татарстан Рәисе, быелгы визит Синьцзян-Уйгыр автономияле районының һәм Татарстанның төбәкара хезмәттәшлеге кысаларында алга таба уртак эшчәнлеккә этәргеч бирер, дип ышаныч белдерде.

Синьцзян-Уйгыр автономияле районы Хөкүмәте Рәисе урынбасары «РОСТКИ: Россия һәм Кытай – үзара файдалы хезмәттәшлек» форумында катнашырга чакырылуы өчен рәхмәт белдерде.

"Безнең команда өчен бу - Татарстан Республикасына беренче визит. Сәфәребезнең төп максаты - төрле өлкәләрдә мөнәсәбәтләребезне ныгыту. Без соңгы очрашу вакытында дәүләт башлыклары куйган бурычларны бергәләп тормышка ашырырга әзер», - дип билгеләп үтте Мәрдан Мукийит.

Синьцзян-Уйгыр автономияле районы Хөкүмәте Рәисе урынбасары авыл хуҗалыгы кебек юнәлешне перспективалы дип санавын ассызыклады. Синьцзян - Кытайның төп авыл хуҗалыгы төбәге, 11,3 млн га ц җирләре бар.